စစ်ကိုင်းတိုင်းအထက်ပိုင်း ချောင်းဝရွာအနီး၌ အကြမ်းဖက်စစ်ကောင်စီတပ်နှင့် တိုက်ပွဲဖြစ်ပွားနေကြောင်း မြို့လှ PDFတပ်ဖွဲ့က ထုတ်ပြန်သည်။
ယနေ့(ဇန်နဝါရီ ၁၅ ရက်) နံနက် ၇နာရီခွဲခန့်ကစ၍ အကြမ်းဖက်စစ်ကောင်စီ၏ သဘော်ယာဥ်တန်းကို လုံခြုံရေးယူရန် ထွက်လာသည့် အကြမ်းဖက်စစ်ကောင်စီ၏ ခြေလျင်တပ်ရင်း (၁၂၁)နှင့် တိုက်ပွဲဖြစ်ပွားနေခြင်းဟု မြို့လှ PDF တပ်ဖွဲ့က ဆိုသည်။
ဗိုလ်ဇာမဏီဦးဆောင်သော မြို့လှ PDFတပ်ခွဲ (၂)နှင့် KIA ပူးပေါင်းအဖွဲ့တို့ ပူးပေါင်းကာ အကြမ်းဖက်စစ်ကောင်စီကို တိုက်ခိုက်နေသည်ဟုလည်း ထုတ်ပြန်ချက်၌ ဖော်ပြသည်။
ကသာ၊ရွှေကူ နှင့် ဗန်းမော်မြို့နယ်များသို့ ရေကြောင်းမှတစ်ဆင့်အကြမ်းဖက်စစ်ကောင်စီ၏ ထောက်ပံ့ရေးလမ်းကြောင်းများကို မြို့လှတပ်ဖွဲ့နှင့် KIAတို့ ပူးပေါင်းကာ ကြားဖြတ်တိုက်ခိုက်မှုများကြောင့် စစ်ကောင်စီတပ်များ အထိနာနေသည်။
Public Service Announcement
ဇန်နဝါရီ ၅ ရက်က ဧရာဝတီမြစ်ကြောင်း ပေါ်မှတစ်ဆင့် ကချင်ပြည်နယ်ဘက်သို့ ရေကြောင်းခရီးဖြင့် ရိက္ခာဖြည့်တင်နေသော အကြမ်းဖက်စစ်ကောင်စီတပ်ကို မြို့လှ PDFက အကြိမ်ကြိမ် ဆီးကြိုတိုက်ခိုက်ခဲ့သည်။
ထိုဖြစ်စဥ်တွင် အကြမ်းဖက်စစ်ကောင်စီ၏ တပ်သားများတင်ဆောင်လာသည့် သဘော်တစ်စီးပျက်စီးကာ စစ်ကောင်စီတပ်သား ၅၀ ဦးထက်မနည်း သေဆုံးခဲ့ကြောင်း မြို့လှ PDF က ထုတ်ပြန်ထားသည်။
အလားတူ ဇန်နဝါရီ ၈ ရက်ကလည်း ရွှေကူမြို့နယ်အတွင်း တိုက်ပွဲ နှစ်နေရာဖြစ်ပွားခဲ့ကာ စစ်ကောင်စီတပ်သား ၂၅ ဦးခန့် သေဆုံးနိုင်ကြောင်း မြို့လှ PDFက ဆိုသည်။
