က​လေး-တမူးလမ်း ဗုံခွဲတိုက်ခိုက်မှုတွင်ရဲမှူး၊ ဒုရဲမှူးအပူအဝင်ရဲ ၅ ဦး​သေဟု ရဲမှတ်တမ်းတွင်​ဖော်ပြ

စစ်ကိုင်းတိုင်း ကလေး-တမူးလမ်းမတွင် ဒေသခံ ပြည်သူ့ကာကွယ်ရေးတပ်ဖွဲ့က မိုင်းခွဲတိုက်ခိုက်မူကြောင့် အာဏာသိမ်းစစ်ကောင်စီ လက်အောက်ခံ ရဲအရာရှိကြီး ၃ ဦးအပါအဝင် ရဲ ၅ ဦးသေဆုံးခဲ့ကြောင်း ရဲမှတ်တမ်းကြေးနန်းတွင်တွေ့ရသည်။

တမူးPDF ကရဲအုပ်တစ်ဦးအပါအဝင် ရဲ ​လေးဦး​သေဆုံး​ကြောင်း ထုတ်ပြန်ထား​သော်လည်း ရဲတပ်ဖွဲ့ ၏ သတင်း​ပေးပို့ချက်မှတ်တမ်းတွင်ရဲမှူး ၊ဒုရဲမှူး ၊ရဲအုပ်အပါအဝင် ၅ ဦး​သေဆုံးခဲ့သည်ဟုဆိုသည်။သေဆုံးသူများမှာ မူးယစ်တပ်ဖွဲ့မှဖြစ်ပြီး ရဲမှူးသောင်းမြင့်၊ ဒုရဲမှူး ဝင်းနိုင်၊ ရဲအုပ် မိုးထက်နိုင်၊ ရဲတပ်ကြပ်ဇော်မင်းအောင်နှင့် ရဲဒုတပ်ကြပ် ကျော်ဇင်ထိုက် တို့ဖြစ်သည်ဟု ​ဖေစ်ဘွခ်လူမှုကွန်ယက်တွင်ပျံ့နှံ့လာသည့် အဆိုပါရဲကြေးနန်းတွင်ဖော်ပြထားသည်။ ​သေဆုံးသူအ​ရေအတွက် ၁ဦးကွာဟနေခြင်းနှင့် ပါတ်သပ်၍ တမူး PDF သို့ People’s Spring ကမှတ်ချက်​ထပ်မံတောင်းထားဆဲဖြစ်သည်။

ရဲမှူး သောင်းမြင့်၊ ရဲတပ်ကြပ်ဇော်မင်းအောင်နှင့် ရဲဒုတပ်ကြပ် ကျော်ဇင်ထိုက်တို့သည် တမူးခရိုင်တရားရုံးတွင် သက်သေခံပြီး ရဲမှူး​သောင်းမြင့်၏ Pajero ကားဖြင့် အပြန်တွင် ဒုရဲမှူးဝင်းနိုင်နှင့် ရဲအုပ်မိုးထက်နိုင်တို့က ကားကြုံလိုက်ခဲ့ခြင်းဖြစ်သည်။

ထိုကားကို တမူး ပြည်သူ့ကာကွယ်ရေးတပ်ဖွဲ့များက ညနေ ၃ နာရီခွဲခန့်တွင် တမူးမြို့နယ်၊ ဝိတုတ်ကျေးရွာနှင့် ရန်လင်းဖိုင်ကျေးရွာကြားတွင် မိုင်းခွဲတိုက်ခိုက်ခဲ့ရာ အကြမ်းဖက်စစ်ကောင်စီလက်အောက်ခံ ရဲများ သေဆုံးခဲ့ခြင်းဖြစ်သည်။

Public Service Announcement

ထိုရဲများနှင့်အတူ ခြောက်လုံးပြူး ၁လက်၊ အမ်အေ ၁၃ သေနတ်နှစ်လက် ပါသွားသည်ဟု အကြမ်းဖက်စစ်ကောင်စီလက်အောက်ခံရဲများကဆိုထားသည်။

ဒုရဲမှူးဝင်းနိုင်သည် ပုသိမ်မြို့နှင့် ရဲအုပ် ရန်ကုန် (မြောက်ပိုင်း) သို့ နယ်ပြောင်းရွှေ့ တာဝန်ထမ်းဆောင်ရမည့် အကြမ်းဖက်ရဲများဖြစ်ပြီး ​ပြောင်း​​ရွှေ့မည့်အစီအစဥ်ကိုအထက်သို့တင်ပြထားခြင်းမရှိသလို ၊ ရဲမှူး ​သောင်းဟန်မှာလည်း တမူးခရိုင်တရားရုံးသို့ သက်​သေခံသွားမည်ကိုတင်ပြထားခြင်းမရှိဟု​ဖော်ပြထားသည်ကို​တွေ့ရသည်။