NLD အစိုးရ ရဲ့ ရခိုင်ပြည်နယ်ဝန်ကြီးချုပ် ဦးညီပုအပါအဝင် ဝန်ကြီး ၅ ဦးကို စစ်ကောင်စီက အဂတိပုဒ်မတွေနဲ့ တရားစွဲလိုက်ပြီး ဒီနေ့မှာ ထောင်ဒဏ် နှစ်ရှည်ထောင်ဒဏ်ချလိုက်တယ်လို့ဒေသတွင်းမီဒီယာတွေကဖော်ပြပါတယ်။
ဝန်ကြီးချုပ် ဦးညီပုနဲ့အတူ ထောင်ချခံရတဲ့ ဝန်ကြီး တွေကတော့ လျှပ်စစ် ၊စက်မှုလက်မှုနဲ့ လမ်းပန်းဆက်သွယ်ရေးဝန်ကြီး ဦးအောင်ကျော်ဇံ၊ ဘဏ္ဍာအခွန်ဝန်ကြီး ဦးကျော်အေးသိန်း၊စိုက်ပျိုးမွေးမြူ သစ်တောနဲ့သတ္တုဝန်ကြီး ဦးကျော်လွင်၊ စည်ပင်ဝန်ကြီးဟောင်း ဦးမင်းအောင် တို့ဖြစ်ပါတယ်။
အဂတိမှုနဲ့ ထောင်ချရာမှာတော့ ဝန်ကြီးချုပ်ဦးညီပု၊ ဝန်ကြီး ဦးအောင်ကျော်ဇံနဲ့၊ ဝန်ကြီး ဦးကျော်အေးသိန်းတို့ကို ထောင်ဒဏ် ၉ နှစ်စီချလိုက်တာပါ။
ကျန်တဲ့ ဝန်ကြီး ဦးကျော်လွင်ကိုထောင်ဒဏ် ၃ နှစ် ၊ ဝန်ကြီးဟောင်း ဦးမင်းအောင်ကိုတော့ ထောင်ဒဏ် ၇ နှစ်ချလိုက်တယ်လို့ သိရပါတယ်။
Public Service Announcement
ဝန်ကြီးချုပ် ဦးညီပုဟာ အစောပိုင်းက ဆူပူအောင်လှုံဆော်မှု ရာဇသတ်ကြီးပုဒ်မ ၅၀၅ (ခ) နဲ့ထောင်ဒဏ် ၂ နှစ်ချခံထားရသလို မဲမသမာမှုလုပ်တယ်ဆိုပြီး စစ်ကောင်စီက ထပ်ပြီးတရားစွဲထားတာလည်းရှိပါသေးတယ်။
