ထားဝယ်မြို့အခြေစိုက် သတင်းဌာနတစ်ခုဖြစ်သည့် Dawei Watch သတင်းဌာနမှ သတင်းထောက်နှစ်ဦးကို အကြမ်းဖက်စစ်ကောင်စီက မတရားဖမ်းဆီးသွားကြောင်း မြို့ခံများက ပြောသည်။
အဆိုပါသတင်းဌာနမှ သတင်းထောက်နှစ်ဦးအပြင် ရုံးဝန်ထမ်းလူငယ်တစ်ဦးကိုလည်း ဖမ်းဆီးသွားသည်ဟု ထားဝယ်မြို့ခံများက ပြောသည်။
Dawei Watch သတင်းထောက် မမိုးမြင့်ကို အကြမ်းဖက်စစ်ကောင်စီက ယမန့်နေည ၁၁နာရီခွဲနှင့် သတင်းထောက်ကိုဇော်ကို ယနေ့နံနက်စော ၂ နာရီခန့်တွင် နေအိမ်၌ မတရား လာရောက်ဖမ်းဆီးသွားခြင်းဖြစ်သည်။
ကိုဇော်နှင့်အတူ ဖြိုးပြည့်လေးလွင်(ခ)သားကြီးဆိုသည့် ရုံးဝန်ထမ်းလူငယ်တစ်ဦးကိုလည်း ဖမ်းဆီးသွားသည်ဟု ဆိုသည်။
“Dawei Watchက တချို့ သတင်းတွေကိုထိန်းရေးနေတဲ့ သတင်းဌာနကိုတောင် ဖမ်းတာဆိုတာ ဒါကလည်း မထူးဆန်းပါဘူး။ စစ်တပ်က ထားဝယ်မှာ မထင်ရင် မထင်တဲ့လူကို ဖမ်းချင်သလိုဖမ်းနေတာပဲ”ဟု ထားဝယ်မြို့ခံတစ်ဦးက ပြောသည်။
လက်ရှိချိန်တွင် မမိုးမြင့်နှင့် ကိုဇော်တို့ကို မည်သည်နေရာတွင် ထိန်းသိမ်းထားသည်ကို မသိရှိရသေးကြောင်း ဒေသခံများက ဆိုသည်။
ထိုသို့ဖမ်းဆီးမူနှင့်ပတ်သတ်ပြီး Dawei Watch သတင်းဌာနက ထုတ်ပြန်ချက် တစ်စုံတစ်ရာ ထုတ်ပြန်ခြင်းမရှိသေးပေ။