မူးယစ်ဆေးဝါး ရောင်းဝယ်သုံးစွဲသူများကို ပြင်းထန်စွာအရေးယူသွားမည်ဖြစ်ကြောင်း ဒီးမော့ဆိုမြို့နယ် ပြည်သူ့ကာကွယ်ရေးတပ်(DMO-PDF)က ယနေ့ သတိပေးထုတ်ပြန်သည်။
ကယားပြည်နယ် ဒီးမော့ဆိုမြို့နယ်တွင် မသမာသူထံမှ WYအမျိုးအစား မူးယစ်ဆေးဝါးအလုံးရေ ၆၅၄ လုံးဖမ်းဆီးရမိသည့် ဖြစ်စဉ်ကို သတင်းထုတ်ပြန်ရာတွင် အထက်ပါအတိုင်း ထပ်မံသတိပေးခဲ့ခြင်းဖြစ်သည်။
ဖမ်းဆီးရမိခဲ့သော မူးယစ်ဆေးဝါးများကို မီးရှို့ဖျက်စီးခဲ့သည်ဟု ဖော်ပြသည်။
ဒီးမော့ဆိုမြို့နယ်တွင် တော်လှန်ရေးကာလ၌ အခွင့်ကောင်းယူပြီး လူကိုညွှန့်သုဥ်းစေသော မူးယစ်ဆေးဝါးများကို လက်ဝယ်ထားရှိခြင်း၊ရောင်းချခြင်း၊ သုံးစွဲခြင်းများပြုလုပ်နေသည်ကို သိရှိရကြောင်း၊ မသမာသူကြောင့် အနာဂတ်လူငယ်ကို ဖျက်စီးနေသောလုပ်ရပ်ကို ပြင်းထန်စွာ အရေးယူသွားမည်ဖြစ်ကြောင်း ထုတ်ပြန်ခဲ့သည်။
Public Service Announcement
