မကွေးတိုင်း ငဖဲမြို့နယ်ရှိ အမြောက်တပ်ရင်းတစ်ခုဖြစ်သည့် မစခ(၉၀၅)ကို အဝေးမှပစ်ခတ်တိုက်ခိုက်ခဲ့ကြောင်း ဒေသအခြေစိုက်တော်လှန်ရေးတပ်ဖွဲ့ Triangle 3T PDF က ယနေ့(ဇန်နဝါရီ ၂၃) ထုတ်ပြန်သည်။
စစ်ကောင်စီတပ်လက်အောက်ခံ အမြောက်တပ်ရင်းအား ယနေ့နံနက် ၆ နာရီ ၄၅ခန့်တွင် အဝေးပစ်စိန်ပြောင်းဖြင့် နှစ်ချက်ပစ်ခတ်တိုက်ခိုက်ခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြသည်။
“အဝေးပစ် စိန်ပြောင်းလက်နက်နဲ့ နှစ်ချက်ပစ်ခတ်တိုက်ခိုက်ခဲ့ကြောင်း ကနဦးသတင်း ထုတ်ပြန်လိုက်ပါတယ်။ ထိခိုက်မှုသတင်းကို စုံစမ်းပြီး ဆက်လက်တင်ပေးသွားပါ့မယ်”ဟု Triangle 3T PDF က ဆိုသည်။
ထို့အပြင် Triangle 3T PDF အဖွဲ့သည် ယမန် နေ့(ဇန်နဝါရီ ၂၂)ည ၈ နာရီကျော်ကလည်း ငဖဲမြို့နယ်ရှိ စက်လက်နက်ပစ္စည်းထုတ်လုပ်သည့်စက်ရုံး က.ပ.စ(၁၄)သို့ ပို့လွှတ်သော အဓိကဓာတ်အားလိုင်းကို ဖျက်ဆီးခဲ့သေးသည်။
Public Service Announcement
