အကြမ်းဖက်စစ်ကောင်စီ၏ ဖိနှိပ်ရေးယန္တယားတွင်ပါဝင်သည့် ဝန်ထမ်းများအနေဖြင့် ပြည်သူ လူထုအပေါ် အခွန်အခများ အဓမ္မကောက်ခံခြင်း၊ချေးငွေများကို အတင်းအကျပ် ပြန်လည်ပေးသွင်းရန် ဖိအားပေးခြင်းနှင့် လုပ်ငန်းလိုင်စင် တင်ဒါခေါ်ယူခြင်းများကို ရပ်တန့်ရန် ကလေးPDF က ယနေ့ (ဇန်နဝါရီ ၂၅ ရက်)တွင် သတိပေးချက်ထုတ်ပြန်သည်။
ယခု သတိပေးချက်သည် စစ်ကိုင်းတိုင်း ကလေးမြို့နယ်အတွင်းရှိ လျှပ်စစ်ရုံး၊ စည်ပင် သာယာရေးရုံး၊ အခွန်ရုံး၊ အထွေထွေအုပ်ချုပ်ရေးရုံးများနှင့် နိုင်ငံတော်ပိုင်ဘဏ်များအပါအဝင် အကြမ်းဖက်စစ်ကောင်စီ၏ ဖိနှိပ်ရေးယန္တယားတွင် ပါဝင်အလုပ်အကျွေးပြုနေကြသော ဌာနဆိုင်ရာတာဝန်ရှိသူများ အားလုံးနှင့်သက်ဆိုင်ကြောင်းလည်း အသိပေးသည်။
ထို့အပြင် ယခုသတိပေးစာပါနေ့ရက်မှ နောက်ပိုင်းအချိန်ထိ အာဏာလုအကြမ်းဖက်စစ်ကောင် စီအား ဝင်ငွေရရှိစေရန် တနည်းနည်းဖြင့် ဆက်လက် ပူးပေါင်းဆောင်ရွက်နေပါက သက်ဆိုင်ရာပူးပေါင်းဆောင်ရွက်သူများအားလုံးကို ပြင်းထန်စွာ အရေးယူတုံ့ပြန်သွားရန် အသင့်ပြင်ဆင်ထားပြီးဖြစ်ကြောင်းကိုလည်း ကလေးPDF ထပ်ဆင့်သတိပေးသည်။
လျှပ်စစ်ဓာတ်အားခများ အဓမ္မကောက်ရန် အားပေးနေသော ကလေးမြို့ လျှပ်စစ်ရုံး၏ ခရိုင်မှူးသည် ဇန်နဝါရီ ၉ ရက်က ပစ်သတ်ခံရ၍ သေဆုံးထားသည်။
Public Service Announcement
အလားတူ အကြမ်းဖက်စစ်ခေါင်းဆောင် မင်းအောင်လှိုင်၏အကြမ်းဖက်မှုယန္တရားလည်ပတ်စေရန် ထောက် ခံအားပေးကူညီလျက်ရှိသော ဌာနဆိုင်ရာ၀န်ထမ်း(ရာဇ၀တ်မှုကျူးလွန်သူများ)၏ ကိုယ်ရေးအချက်အလက်များနှင့် ၎င်းတို့၏သွားလာလှုပ် ရှားမှုများကို ဆက်သွယ်သတင်းပေးပို့ကြရန်လည်း ကလေးမြို့နယ်ပြည်သူ့ရဲတပ်ဖွဲ့က လူထုအားမေတ္တာရပ်ခံထားသည်။
