ဖေဖော်ဝါရီ ၁ ရက်နေ့မှာဆင်နွှဲမယ့် အသံတိတ်သပိတ် မှာ ပါဝင်ဖို့လှုံဆော်တာတွေ ၊ သပိတ်မှာပါဝင်သူတွေကိုအရေးယူမယ်လို့ စစ်ကောင်စီက ခြိမ်ခြောက်ထုတ်ပြန်လာပါတယ်။
စစ်အာဏာသိမ်းမှု တစ်နှစ်ပြည့် အနေနဲ့ ဖေဖော်ဝါရီလ ၁ ရက်မှာ အာဏာရှင်ဆန့်ကျင်ရေး နိုင်ငံလုံးဆိုင်ရာအသံတိတ်သပိတ်ကို ဆင်နွှဲကြဖို့ စစ်အာဏာရှင်ဆန့်ကျင်ရေးအင်အားစုတွေက ဆော်သြနေကြပါတယ်။
အာဏာသိမ်းလို့ တစ်နှစ်ပြည့်တဲ့အချိန်ထိ အုပ်ချုပ်လို့မရသေးတာ ၊ ပြည်သူတွေက စစ်ကောင်စီရဲ့အုပ်ချုပ်မှုကိုလက်မခံတာ ကို ထပ်မံပြသဖို့အတွက် အသံတိတ်သပိတ် ထပ်မံဆင်နွှဲကြဖို့ရှိနေတာပါ။
ပြီးခဲ့တဲ့ ဒီဇင်ဘာလ ၁၀ ရက်ကလည်းအသံတိတ်သပိတ်ကို တစ်နိုင်ငံလုံးအတိုင်းအတာအနေနဲ့ဆင်နွှဲနိုင်ခဲ့ကြပြီး ကမ္ဘာကလည်းအသိအမှတ်ပြုခဲ့ပါတယ်။
Public Service Announcement
ဒါကြောင့် စစ်ကောင်စီဟာ ဒီတစ်ကြိမ်မှာ တော့ အသံတိတ်သပိတ် ကျင်းပဖို့ လှုံဆော်နေတာ ၊ အသံတိတ်သပိတ်မှာပါဝင်သူတွေကိုအရေးယူမယ်လို့ ခြိမ်းခြောက်လာတာပဲဖြစ်ပါတယ်။
ဒီနေ့ရက်စွဲနဲ့ထုတ်ပြန်တဲ့ စစ်ကောင်စီရဲ့ခြိမ်းခြောက်သတင်းထုတ်ပြန်ချက်မှာ အသံတိတ်သပိတ်နဲ့ပတ်သက်ပြီး အကြမ်းဖက်ဥပဒေ၊ နိုင်ငံတော်အကြည်ညို ပျက်စေမှု ပုဒ်မ ၊ အီလက်ထရောနစ်ပုဒ်မ ၊ဆက်သွယ်ရေးပုဒ်မ တွေနဲ့အရေးယူမယ်လို့ ခြိမ်းခြောက်ထားတာတွေ့ရပါတယ်။
ဒါအပြင် ဒီဇင်ဘာလ ၁၀ ရက်က အသံတိတ်သပိတ်လို့ ဈေးတွေ ခြောက်ကပ်သွားတာမဖြစ်ဖို့ ဖေဖော်ဝါရီလ ၁ ရက်မှာ ဈေးဆိုင်တွေဖွင့်ရမယ်လို့ စစ်ကောင်စီဟာ ဈေးအချို့မှာ ကြိုတင်သတိပေးတာတွေလုပ်နေတယ်လို့လည်းသိရပါတယ်။
ဒါအပြင် ဖေဖော်ဝါရီလ ၁ ရက်မှာ စစ်ကောင်စီထောက်ခံပွဲကို ရန်ကုန်မှာ လုပ်ဖို့လည်းရှိနေပါသေးတယ်။
