ရွှေနဲ့ငွေကြေးဈေးကွက်ကိုစောင့်ကြည့်ဖို့ဆိုကာ စစ်ကောင်စီဟာ စောင့်ကြည့်ရေးအဖွဲ့ တစ်ဖွဲ့ကို ဒီဇင်ဘာလအတွင်းက ဖွဲ့စည်းလိုက်ပါတယ်။
အဲဒီအဖွဲ့မှာ ဗဟိုဘဏ်အပါအဝင် စစစ၊ ပြည်ထဲရေး တို့ပါဝင်တာတွေ့ရပါတယ်။
အဲဒီအဖွဲ့ဟာ ရွှေဈေးကွက် ၊ ငွေကြေးဈေးကွက်အရောင်းအဝယ်လုပ်တာတွေကို စောင့်ကြည့်မှာဖြစ်သလို နိုင်ငံခြားငွေရောင်းဝယ်ခွင့်ရှိတဲ့ ဘဏ်တွေ ၊ ငွေလဲကောင်တာတွေ ရဲ့ ငွေစာရင်းအသွင်းအထုတ်ကိုလည်းစောင့်ကြည့်မယ်လို့သိရပါတယ်။
ဒါအပြင် စစ်ကောင်စီဗဟိုဘဏ်က ကြေညာထားသလို အိမ် ခြံ မြေနဲ့ ကားအရောင်းအဝယ်တွေမှာ ကျပ်သိန်း ၂၀၀ ထက် ပိုတဲ့ အရောင်းအဝယ်တွေရဲ့ငွေပေးချေမှုမှာ ဘဏ်ကိုအသုံးပြုတာရှိ မရှိ ကိုလည်းစောင့်ကြည့်ဦးမှာပါ။
Public Service Announcement
ရာခိုင်နှုန်းယူပြီး ငွေလဲပေးနေတာကိုလည်း အဲဒီအဖွဲ့က အရေးယူမယ်လို့လည်း စစ်ကောင်စီက ဆိုထားပါသေးတယ်။
ဒီလိုအဖွဲ့မျိုး ဖွဲ့စည်းပြီး စောင့်ကြည့်အရေးယူတာဟာ ပြီးခဲ့တဲ့ စစ်အစိုးရ လက်ထက်က ပုံစံအတိုင်းဖြစ်တယ်လို့ ဝေဖန်နေတာတွေရှိနေပါတယ်။
