မုံရွာ – ချောင်းဦး – မန္တလေးလမ်းပိုင်းကို ယာယီပိတ်လိုက်ကြောင်း ချောင်းဦး PDFက အရေးပေါ် အသိပေးချက် ယနေ့(ဇန်နဝါရီ ၂၇)ထုတ်ပြန်လိုက်သည်။
“ယခုကြေညာချက် ထုတ်ပြန်ချိန်မှစ၍ နောက်ထပ်ကြေညာချက်တစုံတရာ မထုတ်ပြန်မီအထိ အရေးပေါ်လိုအပ်ချက်အခြေအနေအရ ယာယီပိတ်ထားလိုက်သည်”ဟု ထုတ်ပြန်ချက်တွင် ဖော်ပြသည်။
အဆိုပါလမ်းပိုင်းအား ယာယီပိတ်ထားစဥ် ကြေညာ ချက်ပါလမ်းပိုင်းကို လုံးဝအသုံးမပြုကြရန်နှင့် လိုက်နာခြင်းမရှိသူတို့၏လုံခြုံရေးကို အာမမခံကြောင်း အသိပေးထားသည်။
ထို့အပြင် လမ်းပိုင်းတွင်သွားလာနေကြသောမော်တော်ယာဉ်များ အန္တရာယ်ကင်းရှင်းစေရန် ရောက်ရာအရပ်၌ ခေတ္တရပ်နားထားကြရန်၊ လမ်းပိုင်းအား လက်ရှိအသုံးပြုလျှက်ရှိသော မိမိ၏ ဆွေမျိုး၊ မိတ်ဆွေများကို ထပ်ဆင့်အကြောင်းကြားပေးကြရန် ချောင်းဦး PDFက မေတ္တာရပ်ခံထား သည်။
Public Service Announcement
မုံရွာ-ချောင်းဦးလမ်းပိုင်းအား ယာယီပိတ်ပင်ခြင်းကို မုံရွာအခြေစိုက်ဒေသကာကွယ်ရေးတပ်ဖွဲ့များကလည်း ယနေ့တွင် ထုတ်ပြန်သတိပေးထား သည်။
