'/%3E%3C/svg%3E){kind=small}
စစ်ကိုင်းတိုင်း၊ မုံရွာနှင့် ချောင်းဦးမြို့နယ်များရှိ လောင်းကစားဝိုင်းများ၊ ခိုးဆိုးလုနှိုက်အဖွဲ့များအား မုံရွာအခြေစိုက် ပြည်သူ့ကာကွယ်ရေးအဖွဲ့များကသတိပေးသည်။
ချောင်းဦးမြို့ပေါ်ရှိ ရပ်ကွက်အချို့နှင့် ကျေးရွာအချို့တွင် သူခိုးများ သောင်းကျန်းထကြွနေပြီး ပြည်သူလူထု၏ အသက်အန္တရာယ်ကိုပါ ခြိမ်းခြောက်နေသည်ဟု ကြားသိရကြောင်း၊ ထိုသို့သောင်းကျန်းနေသော လူ့အမှိုက် ဆန်ကုန်မြေလေးများကို ဖမ်းဆီး၍ ထိရောက်စွာအရေးယူသွားမည်ဖြစ်ကြောင်း ချောင်းဦးမြို့နယ် ပြည်သူ့ကာကွယ်ရေးတပ်ဖွဲ့က ပြင်းထန်စွာသတိပေးထားသည်။
အလားတူ မုံရွာမြို့နယ်တွင်လည်း အကြမ်းဖက်စစ်ကောင်စီထောက်တိုင်အဖြစ် လောင်းကစားလုပ်ငန်း လုပ်ကိုင်နေကြသူများအား နောက်ဆုံးအနေဖြင့်သတိပေးကြောင်း၊ မိဘပြည်သူများအနေဖြင့် လောင်းကစားဝိုင်းများရှိရာသို့ သွားရောက်ခြင်းမပြုကြရန် ဗိုလ်မိုးကြိုးနှင့်အဖွဲ့သားများက မေတ္တာရပ်ခံသည်။
“ကျွန်မတို့ Ocean မြောက်ဘက်တာရိုးပေါ် ၊အောက် နေရာအမျိုးစုံမှာ မင်းသမီးမင်းသားပုံ၊ ဟောင်စည်ဖဲဝိုင်းအလင်းပေါက်နေ့ ၊ညမပျက်ဘူး။ ညဆိုမြစ်ကမ်းနဖူပေါ်မှာ ဖဲဝိုင်းထောင် မူးပြီးဆူကြနဲ့။ သူတို့ကတစ်ညအကောက် ၃၊၄သောင်းရပေမဲ့ ကျမတို့ကအိပ်မရပါဘူး။ကျွန်မတို့က နေ့မှာလုပ်စားရတော့ ညလေးအိပ်ရတာ”ဟု မုံရွာဒေသခံတစ်ဦးကလည်းပြောသည်။
Public Service Announcement
အကြမ်းဖက်စစ်ကောင်စီ အာဏာသိမ်းပြီးနောက်ပိုင်း အုပ်ချုပ်ရေးယန္တရားပျက်စီးကာ အမြို့မြို့အနယ်နယ်ရှိ ဥပဒေမဲ့လုပ်ရပ်များ ပိုမိုများပြားလာပြီး စစ်တပ်နှင့်ရဲအားလိုင်းကြေးပေးကာဖွင့်နေသော လောင်းကစားဝိုင်းများ၊ မြို့လည်ခေါင်မှာပင် လုယက်မှုပြုလုပ်နေသောခိုးဆိုးလုနှိုက်များ ပေါများလာခဲ့သည်။
