စစ်ကိုင်းတိုင်း ကောလင်းမြို့အနောက်ဘက်သို့စစ်ကြောင်းထွက်လာသည့် အကြမ်းဖက်စစ်ကောင်စီ ခြေလျင်တပ်ကို မိုင်းဆွဲတိုက်ခိုက်ရာ စစ်ကောင်စီတပ်သား ၁၀ ဦးခန့်သေဆုံးနိုင်ကြောင်း The Secret Warrior Kawlin က လူထုနွေဦးသို့ ပြောသည်။
ယနေ့(ဇန်နဝါရီ ၂၉ ရက်) နံနက် ၁၀နာရီခွဲတွင် အကြမ်းဖက်စစ်ကောင်စီတပ်၏ အင်အား ၆၀ပါ စစ်ကြောင်းကို ပြောက်ကျားနည်းအသုံးပြုကာ မင်းတဲကြီးရပ်ကွက် နှင့် ရွာမရွာကြား၌ မိုင်းဆွဲ တိုက်ခိုက်ခဲ့ခြင်းဖြစ်သည်ဟု တာဝန်ရှိသူက ဆို သည်။
“မိုင်းဆွဲခဲ့တာ အဓိကပေါ့။ ကျွန်တော်တို့ဘက်ကတည်နေရာပြ ပစ်ခတ်တာမျိုးမလုပ်ဘူး။ မိုင်းဆွဲ ပြီး သူတို့ ထိခိုက်တယ်ဆိုတာ အတည်ပြု နိုင်တတာနဲ့ ချက်ချင်း ပြန်ဆုတ်ခဲ့တယ်”ဟု ၎င်းက ရှင်းပြသည်။
ယနေ့ နံနက်အစောပိုင်းကလည်း အကြမ်းဖက်စစ်ကောင်စီတပ်၏ ၆၀(မမ)အသုံးပြုတိုက်ခိုက်ခြင်းကြောင့် ကောလင်းမြို့ ကန်လည်ကြီးရွာမှ ပြည်သူအမျိုးသမီးနှစ်ဦး ကျည်ထိမှန် သဖြင့် အရေးပေါ်ဆေးကုသနေရကြောင်း ကောလင်စ ပ.က.ဖ က အသိပေးသည်။