လင်းကတောရဲစခန်း စီးနင်းတိုက်ခိုက်မှုတွင် စစ်ကောင်စီရဲများက မိသားစုဝင်များကိုထား၍ ထွက်ပြေး

●စွန်ခွာထွက်​ပြေးသွား​သော ရဲများ ပြည်သူ့ရင်ခွင်အမြန်ဆုံးခိုလှုံကြ​ရန် ကျန်ရစ်ခဲ့​သောမိသားစုဝင်များကို PDF တိုက်တွန်းခဲ့

မကွေးတိုင်း မြိုင်မြို့နယ်ရှိ လင်းကတောနယ်မြေရဲစခန်းကို ပြည်သူ့ကာကွယ်ရေးတပ်ပေါင်းစုက စီးနင်းတိုက်ခိုက်သိမ်းပိုက်စဉ် စစ်ကောင်စီလက်ပါးစေရဲများက ၎င်းတို့၏ မိသားစုဝင်များကို စွန့်ခွာထွက်ပြေးခဲ့ကြောင်း အမျိုးသားညီညွတ်ရေးအစိုးရ(NUG)ကာကွယ်ရေးဝန်ကြီးဌာနက သတင်းထုတ်ပြန်သည်။

ယနေ့(ဇန်နဝါရီ ၂၉ ရက်) မွန်းလွဲပိုင်းတွင် မြိုင်မြို့နယ် လင်းကတောကျေးရွာနယ်မြေရဲစခန်းကို ပြည်သူ့ကာကွယ်ရေးတပ်ပေါင်းစုက ဝင်ရောက်တိုက်ခိုက်သိမ်းပိုက်ခဲ့ခြင်းဖြစ်သည်။

ပြည်သူ့ကာကွယ်ရေးတပ်ဖွဲ့များသည် စစ်အာဏာရှင် စနစ်အမြစ်ပြတ်ရေးအတွက် တိုက်ခိုက်နေရခြင်းဖြစ်ပြီး ရဲတပ်ဖွဲ့မိသားစုဝင်များကို ကာကွယ်စောင့်ရှောက်ပေးမည်ဖြစ်ကြောင်း NUGက ထုတ်ပြန်သည်။

Public Service Announcement

ရဲတပ်ဖွဲ့မိသားစုဝင်များကလည်း သက်ဆိုင်ရာတာဝန်ကျနေသော အိမ်သားများကို ပြည်သူ့ရင်ခွင်အမြန်ဆုံးခိုလှုံကြရန် တိုက်တွန်းပေးစေလိုကြောင်း ပြည်သူ့ကာကွယ်ရေးတပ်သားများကတိုက်တွန်းခဲ့ကြသည်။

လင်းကတောနယ်မြေရဲစခန်း သိမ်းပိုက်မှုအပြီး G3 ငါးလက်၊အူဇီ သုံးလက်၊ ခြောက်လုံးပြူးတစ်လက်၊ ကျည်မျိုးစုံ(၆၀၀)၊ ဗုံးသီး(၇)လုံး၊လက်တော့(၂)လုံး၊ပရင်တာတစ်လုံး၊ဆိုင်ကယ်(၄)စီးနှင့်ဆက်စပ်ပစ္စည်းများ သိမ်းဆည်းရရှိခဲ့သည်ဟု ဆိုသည်။