Connect with us

Hi, what are you looking for?

LuduNwayOo

News

အသံတိတ်သပိတ် မအောင်မြင်စေရန် နှာခေါင်းစည်းနှင့် ပိုက်ဆံများဝေရန် စစ်ကောင်စီ ညွှန်ကြားနေ

စစ်ကောင်စီက နှုတ်ဖြင့်ညွှန်ကြားခြင်းဖြစ်ပြီး မလိုက်နာပါက အဖမ်းခံရနိုင်၍ ငြင်းဆန်ရန် ခက်ခဲနေသည်ဟု လည်း ၎င်းက ပြောသည်။

(ပြီးခဲ့သည့် ဒီဇင်ဘာ ၁၀ ရက်က တိတ်ဆိတ်ခြင်းသပိတ်ပြုလုပ်နေစဥ် ။ ဓာတ်ပုံ- ရွှေအင်းသား ခင်မောင်ဝင်း)

မနက်ဖြန်(ဖေဖော်ဝါရီ ၁)တွင် ပြုလုပ်မည့် “အသံတိတ်သပိတ်”မအောင်မြင်စေရန် လူစည်ကားရာနေရာများ၌ နှာခေါင်းစည်းနှင့် ပိုက်ဆံများဝေရန် အကြမ်းဖက်စစ်ကောင်စီက ညွှန်ကြားလာသည်ဟု နမ့်ခမ်းအခြေစိုက် လူမှုရေးအသင်းများက ပြောသည်။

“မနက်ဖြန်မြို့ထဲက်ို စည်အောင် Maskတွေ ဝေခိုင်းနေတယ်။ တရုတ်အန်ပေါင်းအနေနဲ့ စာအိတ်တစ်အိတ်ထဲကို ငွေနှစ်ထောင်စီထည့်ပြီးလည်း ဝေခိုင်းတယ်။ ဒီလူ(စစ်ကောင်စီလက်အောက်ခံ Non CDM ဌာနနှင့် ဝန်ထမ်းများ) တွေ ရူးနေလားမသိဘူး”ဟု နမ့်ခမ်းအခြေစိုက် လူမှုရေးအသင်းတစ်သင်းမှ တာဝန်ရှိသူတစ်ဦးက ပြောသည်။

စစ်ကောင်စီက နှုတ်ဖြင့်ညွှန်ကြားခြင်းဖြစ်ပြီး မလိုက်နာပါက အဖမ်းခံရနိုင်၍ ငြင်းဆန်ရန် ခက်ခဲနေသည်ဟု လည်း ၎င်းက ပြောသည်။

“ကျွန်တော်တို့ မဖြစ်မနေထွက်ရရင်တောင် မြို့ခံအများစု ထွက်မှာမဟုတ်ဘူး။ ကျွန်တော့် အိမ်သားတွေလည်း မထွက်ဘူး။ ကိုယ်ကတော့ အဖမ်းမခံနိုင်လို့ အယောင်ပြတော့ ထွက်ရမယ်ထင်တယ်”ဟု ဆိုသည်။

Public Service Announcement

Public Service Announcement

နမ့်ခမ်းမြို့သည် တရုတ်နိုင်ငံနှင့် နယ်စပ်မြို့ဖြစ်ပြီး မူဆယ်ခရိုင်အောက်တွင် ရှိသည်။

မူဆယ်နှင့်နမ့်ခမ်းမြို့မှ တရုတ်-မြန်မာချစ်ကြည်ရေးအသင်းထံသို့လည်း ဖေဖော်ဝါရီ ၁ရက်တွင် ကျပ်သိန်း ၂၀ဖိုး ဝေငှရန် စစ်ကောင်စီက ဖိအားပေးထားသည်ဟု မူဆယ်မြို့ တရုတ်မြန်မာချစ်ကြည်ရေးအသင်းနှင့် နီးစပ်သူ တစ်ဦးက ပြောသည်။ သို့သော် လူထုနွေဦးက အတည်မပြုနိုင်သေးပေ။

ဖေဖော်ဝါရီ ၁ရက်သည် စစ်တပ်က နိုင်ငံတော်အာဏာသိမ်းသည့် (၁)နှစ်ပြည့်ဖြစ်ပြီး မတရားမှုကို ကန့်ကွက် ဆန္ဒဖော်ထုတ်ခြင်း အသံတိတ်သပိတ်ကို နိုင်ငံနှင့်အဝှမ်းပြုလုပ်ရန် ပြည်သူလူထုက ပြင်ဆင်နေသည်။

အသံတိတ်သပိတ်တွင် ပါဝင်သူများအား ဖမ်းဆီးအရေးယူမည်ဟု စစ်ကောင်စီက ခြိမ်းခြောက်ထားပြီး သပိတ် မအောင်မြင်စေရန် နည်းမျိုးစုံကြိုးစားနေသည်။ မန္တလေးမြို့တွင်လည်း နေ့ခင်းကြောင်တောင် စက်ဘီးစီးပြိုင်ပွဲကျင်းပရန် စီစဥ်နေပြီး စစ်ကောင်စီထောက်တိုင် ဆီဆိုင်များကလည်း ဆိုင်ကယ်တစ်စီးလျှင် ဆီတစ်လီတာ ဝေမည့်သတင်းလည်း ထွက်ပေါ်နေသည်။

စစ်ကောင်စီက ဖိအားပေးသည့်ကြားမှ အသံတိတ်သပိတ်တွင် ပြည်သူများအနေဖြင့် ပါးပါးနပ်နပ်ပါဝင်ပြီး အကြမ်းဖက်စစ်ကောင်စီ၏ အုပ်ချုပ်မှုကိုမခံကြောင်း သက်သေထပ်ပြပေးခြင်းဖြင့် တိုက်ပွဲဝင် ပြည်သူ့ကာ ကွယ်ရေးတပ်သားများအား ခွန်အားပေးရန် ပြည်သူ့ကာကွယ်ရေးအဖွဲ့များကလည်း တောင်းဆိုထားသည်။

ဆက်စပ်သတင်းများ

သတင်း

ဗီဒီယိုတွေထဲက ပုံရိပ်တွေအရ နှိပ်စက်ညှင်းပန်းမှု၊ ရိုက်နှက်မှု၊ ရှော့ရိုက်မှု၊ လိင်အကြမ်းဖက်မယ်လို့ ခြိမ်းခြောက်မှုစတဲ့ လုပ်ရပ်တွေ ကျူးလွန်နေတာ၊ အမျိုးသမီး ၂ ဦး အပါအဝင် ထိန်းသိမ်းခံရသူ ၄၈ ဦးလောက် ရှိနေတာတွေကို ဆန်းစစ် အတည်ပြုနိုင်ခဲ့တယ်လို့လည်း Fortify Rightsက ဖော်ပြသွားခဲ့ပါတယ်။

သတင်း

CBMဟာ စစ်ကောင်စီရဲ့ နိုင်ငံခြားငွေ ဝင်ရောက်မှု အဓိက ရင်းမြစ်တစ်ခုလည်း ဖြစ်နေပြီး ငွေလဲလှယ်မှု ကြီးကြပ်ရေး ကော်မတီနဲ့ ပူးပေါင်းပြီး ပြည်ပကနေ စစ်လက်နက်တွေ ဝယ်ယူဖို့ လိုအပ်တဲ့ နိုင်ငံခြားငွေကြေးကို စုဆောင်း ရှာဖွေပေးနေပြန်ပါတယ်။

သတင်း

စင်ကာပူရဲ့ လုပ်ဆောင်ချက်တွေကို နမူနာယူဖို့ လိုကြောင်း၊ မြန်မာပြည်သူတွေကို စစ်တပ်က သတ်ဖြတ်တဲ့ လုပ်ရပ်တွေမှာ ထိုင်းဘဏ်တွေက အားပေးအားမြှောက် သဘောမျိုး ပါဝင်နေတာကို လုံးဝ လက်ခံလို့ မဖြစ်နိုင်ကြောင်း သူက ထောက်ပြသွားပါတယ်။

သတင်း

စစ်ကောင်စီ၏ ဒုခေါင်းဆောင်စိုးဝင်းက တရုတ်ခရီးစဉ်အတွင်း ရွေးကောက်ပွဲ ကျင်းပမည် ပြောဆိုမှုရှိခဲ့ခြင်းနှင့်ပတ်သက်ပြီး မေးမြန်းမှုအပေါ် ယခုကဲ့သို့ ဖြေကြားခြင်းဖြစ်သည်။