Connect with us

Hi, what are you looking for?

LuduNwayOo

News

ပြည်သူများ၏ရင်းနှီးပေးဆပ်ရမှုများ အချည်းနှီးမဖြစ်စေရဘဲ စစ်အာဏာရှင်စနစ်ကို မြန်မာ့မြေပေါ်မှ အပြီးတိုင်ဖယ်ရှားမည်ဟု NUG ကတိပြု

စစ်အာဏာသိမ်းမှု ၁ နှစ်တာအတွင်း ပြည်သူ ၁၅၁၀ ဦးကျဆုံးခဲ့ရပြီး အသက်မပြည့်သော ကလေးသူငယ် ၁၆ ဦးအပါအဝင် အရပ်သားပြည်သူ ၁၈၄ ဦးမှာ အစုလိုက်အပြုံလိုက် သတ်ဖြတ်ခံခဲ့ရသည်။

မြန်မာပြည်သူလူထု၏ ရင်းနှီးပေးဆပ်ရမှုများ အားလုံး အချည်းနှီးမဖြစ်စေရဘဲ စစ်အာဏာရှင်စနစ်ကို မြန်မာ့မြေပေါ်မှ အပြီးတိုင်ဖယ်ရှားမည်ဟု အမျိုးသားညီညွတ်ရေးအစိုးရ NUG က ယနေ့ (ဖေဖော်ဝါရီ ၄ ရက်)ထုတ်ပြန်သည်။

အကြမ်းဖက်စစ်အုပ်စု၏ အာဏာရယူလိုမှုဇောတစ်ခုတည်းကို ရှေ့တန်းတင်ကာ အဆင်အခြင်မဲ့ မတရားအာဏာလုယူမှုအောက်တွင် မြန်မာပြည်သူလူထုတစ်ရပ်လုံး၏ လူမှုဘ၀အသီးသီးမှာ အစစအရာရာ ချွတ်ခြုံကျ၍ မလုံခြုံမငြိမ်းချမ်းသော ဘ၀သို့ရောက်ရှိနေသည်မှာ နိုင်ငံတဝန်းဖြစ်စဉ်များက ထင်ထင်ရှားရှား မီးမောင်းထိုးပြနေသည်ဟု ဆိုသည်။

ဖေဖော်ဝါရီ ၁ ရက်တွင် ကျောက်ပန်းတောင်းမြို့မှ ကိုအောင်မြင့်မြတ်(ခ)ကိုအောင်အောင်သည် မိမိကိုယ်ကိုမီးရှို့၍ အကြမ်းဖက်စစ်ကောင်စီကို ဆန့်ကျင်ဆန္ဒပြခဲ့ရာ ယင်းနေ့တွင်ပင် ကျဆုံးခဲ့ ရသည်။

အထက်ပါ မိမိကိုယ်ကိုမီးရှို့ ဆန္ဒပြသည့်ဖြစ်စဉ်အပါအဝင် ပြည်သူလူထုသည် နည်းလမ်းပေါင်းစုံ ဖြင့် ဆန္ဒဖော်ထုတ်မှုများကို နေ့စဉ်မပြတ်လုပ်ဆောင်နေသော်လည်း အကြမ်းဖက်စစ်အုပ်စုသည် ပြည်သူ့ဆန္ဒကို လျစ်လျူရှုကာ အကြမ်းဖက်လုပ်ရပ်များကိုသာ ဆက်လက်ကျူးလွန်နေဆဲ​ ဖြစ် သည်ဟု NUG က ထုတ်ပြန်သည်။

စစ်အာဏာသိမ်းမှု ၁ နှစ်တာအတွင်း ပြည်သူ ၁၅၁၀ ဦးကျဆုံးခဲ့ရပြီး အသက်မပြည့်သော ကလေးသူငယ် ၁၆ ဦးအပါအဝင် အရပ်သားပြည်သူ ၁၈၄ ဦးမှာ အစုလိုက်အပြုံလိုက် သတ်ဖြတ်ခံခဲ့ရသည်။

မြို့ရွာများ မီးရှို့ခံရမှု ၂၄၉ ကြိမ်ရှိခဲ့ပြီး ပြည်သူလူထု၏ အိမ်ခြေပေါင်း ၁၂၀၀ ခန့်နှင့် ပိုင်ဆိုင်မှု များ ပျက်ဆီးဆုံးရှုံးခဲ့ရသည်ဟု စာရင်းဇယားများကဖော်ပြနေကြောင်း NUG က ဆိုသည်။

ထိုသို့ ပြည်သူလူထု၏ ဆုံးရှုံးပျက်စီးရမှုများ၊ စွန့်လွှတ်အနစ်နာခံမှုများအတွက် အမျိုးသားညီညွတ်ရေးအစိုးရက လွန်စွာကြေကွဲဝမ်းနည်းရပြီး အဆိုပါ ရင်းနှီးပေးဆပ်မှုအားလုံးကို အချည်းနှီး မဖြစ်စေရဟု ကတိပြုသည်။

နိုင်ငံတကာအသိုင်းအဝန်းအနေဖြင့်လည်း မြန်မာနိုင်ငံတဝန်းရှိ ပြည်သူလူထုတစ်ရပ်လုံး၏ အသက်အိုးအိမ်၊ စည်းစိမ်များကို နှောင့်ယှက်ဖျက်ဆီးနေသော အကြမ်းဖက်စစ်အုပ်စု၏ လုပ် ရပ်များ အမြန်ဆုံးရပ်တန့်သွားနိုင်ရေး ထိရောက်သောလုပ်ဆောင်မှုများအမြန်ဆုံးအကောင် အထည်ဖော်ကြရန် NUG က တိုက်တွန်းသည်။

You May Also Like

သတင်း

ဖေဖော်ဝါရီ ၆ ရက်တွင် ပြင်းအား ၇.၈ အဆင့်ရှိသည့် ငလျင်ကြောင့် တူရကီနှင့် ဆီးရီးယားနိုင်ငံအနောက်မြောက်ပိုင်းဒေသများသို့ သက်ရောက်မှုရှိခဲ့ပြီး အဆိုပါ ငလျင်ဒဏ်ကြောင့် ပြည်သူ ၈,၀၀၀ နီးပါး သေဆုံးခဲ့ရကာ ၄၀,၀၀၀ နီးပါး ဒဏ်ရာရရှိခဲ့သည်။

သတင်း

အကြမ်းဖက်စစ်တပ်သည် နိုင်ငံ့ပြဿနာများ အားလုံး၏ အရင်းအမြစ် ဖြစ်သည်ကို အားလုံး သိပြီးဖြစ်ကြောင်း ၎င်းကဆက်​ပြောသည်။ ထို့ကြောင့် တစုတစည်းတည်းအားကုန်ကြိုးစားနိုင်ရန် အတွက်ဘက်ပေါင်းစုံအားထည့်လုပ်ဆောင်သွားရန်ဝန်ကြီးချုပ်ကတိုက်တွန်းသည်။

သတင်း

ရှမ်းပြည်နယ်ရှိ ရှမ်းတိုင်းရင်းသားလက်နက်ကိုင်အဖွဲ့များဖြစ်​သော RCSSနှင့် SSPP တို့သည် ပြည်သူထုကို အကြမ်းဖက်နှိပ်စက်နေသည့် စစ်ကောင်စီနှင့် တွေ့ဆုံဆွေးနွေးမှုများပြုလုပ်နေသည်။

သတင်း

ပြီးခဲ့သည့် သီတင်းပတ်ကတည်းက လန်ဒန်သို့ရောက်ရှိနေသော ဝန်ကြီးဒေါ်ဇင်မာအောင်သည် ၎င်း၏ ယူကေခရီးစဥ်အတွင်း အခြားသော သက်ဆိုင်ရာတာဝန်ရှိသူများနှင့်လည်း ဆက်လက် တွေ့ဆုံ၍ မြန်မာ့အရေးပူးပေါင်းဆောင်ရွက်နိုင်ရန် တွေ့ဆုံဆွေးနွေးသွားမည်ဟု သိရသည်။