မီတာမဆောင်လို့ဆိုကာ မန္တလေး ၊ချမ်းမြသာစည်မြို့နယ် မြရည်နန္ဒာအိမ်ရာ က တိုက်ခန်းတွေကို စစ်ကောင်စီတပ်ဖွဲ့ဝင်တွေ ဒီနေ့မနက်ပိုင်းကစပြီး မီးလိုက်ဖြတ်နေတယ်လို့ သိရပါတယ်။
မြရည်နန္ဒအိမ်ရာမှာ နေထိုင်သူအားလုံးနီးပါး မီတာမဆောင်ကြတာလို့ အဲဒီအိမ်ရာမှာနေထိုင်သူတစ်ဦးကပြောပါတယ်။
ဒါကြောင့် စစ်ကောင်စီတပ်ဖွဲ့ဝင်တွေဟာ တိုက်ခန်းတွေဆီ ဆက်သွယ်ထားတဲ့ မီးကြိုးကိုဖြုတ်သွားတယ်လို့ သိရပါတယ်။
လူထုဟာ စစ်ကောင်စီကို ဆန့်ကျင်တဲ့အနေနဲ့ စစ်ကောင်စီအခွန်မရအောင် မီတာမဆောင်တဲ့နည်းနဲ့ အာဏာဖီဆန်နေကြတာပါ။
Public Service Announcement
ဒါကို စစ်ကောင်စီက မီးဖြတ်တဲ့နည်းနဲ့ တုံ့ပြန်ခဲ့ပါတယ်။ ဒါအပြင် လက်ရှိအခြေအနေမှာ မီးကို နေ့စဉ်အလှည့်အကျနဲ့ပေးနေတာပါ။
လူူထုက မီတာမဆောင်တဲ့အတွက် စစ်ကောင်စီဟာအမေရိကန်ဒေါ်လာသန်းနဲ့ချီပြီး ဝင်ငွေ ထိခိုက်နေတယ်လို့ ဂျပန်သတင်းဌာနကြီး Nikkei က ပြီးခဲ့တဲ့လပိုင်းကရေးသားဖော်ပြထားခဲ့ပါတယ်။
