မင်းတပ်၊ မတူပီ၊ ကန်ပက်လက်၊ ကျောက်ထု၊ ဆော၊ ဂန့်ဂေါနှင့်ထီးလင်းမြို့နယ်များရှိ အကြမ်းဖက်စစ်ကောင်စီတပ်ဖွဲ့မှ တပ်သားများအနေဖြင့် ငွေကြေးအသုံးစရိတ်လိုအပ်ပါက ကျည်နှင့် ဗုံးသီးများ ရောင်းချနိုင်ကြောင်း CDF-Mindat မှ ယနေ့(ဖေဖော်ဝါရီ ၇) ကြေညာချက်ထုတ်ပြန်သည်။
“ရောင်းချင်တဲ့သူတွေရှိတယ်ဆိုရင် ရောင်းလို့ရနိုင်အောင် တရားဝင်ကြေညာပေးတာမျိုးပါ”ဟု CDF မင်းတပ်မှ တာဝန်ရှိသူတစ်ဦးက လူထုနွေဦးသို့ ပြောသည်။
အသုံးစရိတ်လိုအပ်သည့် စစ်ကောင်စီတပ်သားများသည် ဖုန်းနံပတ် 09448685594ကို ဆက်သွယ်၍ MAကျည် ၊40 MM နှင့် 60 MM တို့ကို ရောင်းချနိုင်သည်ဟု အသိပေးထားသည်။
လက်ရှိတွင် မင်းတပ်မြို့နယ်၌ အကြမ်းဖက်စစ်ကောင်စီတပ်နှင့် ပြည်သူ့ကာကွယ်ရေးတပ်များအကြား စစ်ရေးတင်းမာနေဆဲဖြစ်ကြောင်း အထက်ပါတာဝန်ရှိသူက ဆိုသည်။
Public Service Announcement
ယခု ဖေဖော်ဝါရီ ၂ ရက်နှင့် ၃ ရက်က မတူပီမှဆင်းလာသော စစ်ကောင်စီယာဉ်တန်းကို CDF မင်းတပ်မှ မင်းတပ်-မတူပီလမ်းပေါ် တွင် ချုံခိုတိုက်ခိုက်ခဲ့ရာ စစ်ကောင်စီတပ်သား ခြောက်ဦးထက်မနည်းသေဆုံးကာ MA 3 တစ်လက် သိမ်းယူရရှိခဲ့သည်။
