နိုင်ငံတဝန်း၌ လူနေအိမ်များကို မီးရှို့ခြင်း၊ ပြည်သူလူထုကို လူမဆန်စွာ သတ်ဖြတ်ခြင်း၊ ညှင်းပမ်းနှိပ်စက်ခြင်းများကျူးလွန်နေသည့် အကြမ်းဖက် စစ်ကောင်စီက အယောင်ပြ ငြိမ်းချမ်းရေးဆွေး နွေးပွဲ ဖြစ်မြောက်ရန် နည်းလမ်းပေါင်းစုံသုံးကာ လုပ်ဆောင်နေရာ မြန်မာနိုင်ငံ သဘင်အစည်းအရုံး (ဗဟို)၊ မြန်မာနိုင်ငံပန်းချီပန်းပု အစည်းအဝေး(ဗဟို)၊ မြန်မာနိုင်ငံ ဘာသာပေါင်းစုံချစ်ကြည်ညီညွတ်ရေးအဖွဲ့(ဗဟို)၊ ဗုဒ္ဒဘာသာ ကလျာဏယု၀ အသင်းကြီး(YMBA)တို့ကလည်း မေတ္တာရပ်ခံပန်ကြားချက်များ အသီးသီး ထုတ်ပြန်ထားသည်။
သို့သော် မြန်မာနိုင်ငံပန်းချီ၊ပန်းပုအစည်းအရုံး(ဗဟို)၏ ထုတ်ပြန်ချက်သည် ပန်းချီ၊ပန်းပု ပညာရှင်များအားလုံး၏ သဘောထားမဟုတ်ဘဲ ၎င်းတို့ကို ကိုယ်စားမပြုကြောင်း ပန်းချီ၊ ပန်းပုပညာရှင်များက ပြန်လည်တုံ့ပြန်သည်။
“စစ်ကောင်စီရဲ့ နောက်လိုက်အလိုတော်ရိ တသိုက်၏ သဘောထား သာဖြစ်ပါသည်။ ပန်းချီ၊ပန်းပု အစည်းအရုံးတွင် ဝင်ရောက်လှုပ်ရှားနေကြသော အမှုဆောင်ဆိုသည့် ပုဂ္ဂိုလ်များသည် လည်း ပန်းချီ၊ ပန်းပု ပညာရှင်အများစုမှ ရွေးကောက်တင်မြှောက်ထားသော ပုဂ္ဂိုလ်များ မဟုတ်ပါ။ အဆိုပါ ပန်းချီ၊ပန်းပုအစည်းအရုံးအား လုံးဝ အယုံအကြည်မရှိပါ”ဟု ပန်းချီ ပညာရှင်များက လူမှုကွန်ရက်တွင် ရေးသားဖော်ပြသည်။
အဆိုပါ ပန်းချီ၊ ပန်းပုအစည်းအရုံး၏ ထုတ်ပြန်ချက်ကို လုံး၀ကန့်ကွက် ရှုတ်ချကြောင်းလည်း ပန်းချီပညာရှင်များက ဆိုသည်။
Public Service Announcement
ထို့အပြင် အကြမ်းဖက်စစ်ကောင်စီက ၎င်း၏ဩဇာခံအဖွဲ့အစည်း၊ အစည်းအရုံးများမှတဆင့် ကြိုးပမ်းနေမှုသည် လွန်ခဲ့သည့် ဆယ်စုနှစ် များအတွင်း စစ်အာဏာရှင်များ၏ လမ်းဟောင်းကို လျှောက်လှမ်းနေခြင်းဖြစ်ပြီး ပြည်တွင်းငြိမ်းချမ်းရေးအတွက် စိတ်ဆန္ဒရှိ၍ မဟုတ်ကြောင်း နိုင်ငံရေး လေ့လာသူတစ်ဦးက မှတ်ချက်ပြုသည်။
