စစ်တပ်အာဏာသိမ်းလိုက်တဲ့ မြန်မာနိုင်ငံဟာ မြောက်ကိုရီးယားထက် ဒီမိုကရေစီဆိတ်သုဉ်းသွားတယ်လို့ ပြီးခဲ့တဲ့ ၂၀၂၁ ခုနှစ်အတွက် မနေ့က ဖေဖော်ဝါရီလ ၁၀ ရက်မှာထုတ်ပြန်တဲ့ ဒီမိုကရေစီညွှန်းကိန်း အစီရင်ခံစာအရသိရပါတယ်။
ဒီအစီရင်ခံစာကို Economist Intelligence Unit’s (EIU) က ပြုစုပြီး နှစ်စဉ်ထုတ်ပြန်တာပါ။
၂၀၂၁ ခုနှစ်အတွက် ဒီမိုကရေစီညွှန်းကိန်းမှာတော့ စစ်တပ်အာဏာသိမ်းလိုက်တဲ့မြန်မာနိုင်ငံဟာ အောက်ဆုံးငါး နိုင်ငံစာရင်းမှာပါဝင်နေတာတွေ့ရပါတယ်။
အဲဒီ ငါးနိုင်ငံ စာရင်းမှာတောင် မြန်မာနိုင်ငံရဲ့ အောက် နောက်ဆုံးပိတ်နိုင်ငံဟာ တာလီဘန်တွေ ပြီးခဲ့တဲ့ လပိုင်းက ပြန်လည်သိမ်းပိုက်ထားတဲ့ အာဖဂန်နစ္စတန် နိုင်ငံဖြစ်ပါတယ်။
Public Service Announcement
မြန်မာရဲ့အပေါ်မှာ အာရှအာဏာရှင်နိုင်ငံတစ်နိုင်ငံဖြစ်တဲ့ မြောက်ကိုရီးယား နိုင်ငံ ရှိနေပါတယ်။
ဒီမိုကရေစီညွှန်းကိန်းကို ရွေးကောက်ပွဲလုပ်ငန်းစဉ် ၊ အစိုးရရဲ့ လုပ်ငန်းဆောင်တာလုပ်ကိုင်ဟန် ၊ အရပ်ဖက်ပြည်သူတွေ လွတ်လပ်မှုရှိမရှိ ၊နိုင်ငံရေးမှာပါဝင်လုပ်ကိုင်ခွင့်ရတဲ့အခြေအနေနဲ့ နိုင်ငံရေးယဉ်ကျေးမှုတွေအပေါ် ချိန်ထိုးပြီး အဆင့်သတ်မှတ်တာဖြစ်ပါတယ်။
ဒီလိုအဆင့်သတ်မှတ်ရာမှာ သုည မှတ်ကနေစတင်ကာ အများဆုံး ၁၀ မှတ်အထိ ပေးတာလည်းဖြစ်ပါတယ်။ မြန်မာနိုင်ငံကတော့ တစ်မှတ်သာသာပဲ ရတာတွေ့ရပါတယ်။
ဒီမိုကရေစီစံနှုန်းအမြင့်ဆုံးထိပ်ဆုံး ငါးနိုင်ငံကတော့ ဥရောပနိုင်ငံတွေဖြစ်ပြီး နံပါတ်တစ်နေရာမှာ နော်ဝေးက ရပ်တည်နေပါတယ်။
