မကြာခင်ပြုလုပ်မည့် သမ္မတဘိုင်ဒန်နှင့်အာဆီယံခေါင်းဆောင်များတွေ့ဆုံပွဲ၌ မြန်မာ့အရေး အလေးထားမည်
မြန်မာစစ်ကောင်စီသည် ဖိနှိပ်မှုနှင့် အကြမ်းဖက်မှုများကို နှစ်ဆတိုးမြှင့် ကျူးလွန်နေကြောင်း အမေရိကန်နိုင်ငံခြားရေးဝန်ကြီး အန်တိုနီဘလင်ကန်က ယနေ့(ဖေဖော်ဝါရီ ၁၁ ရက်)ပြောကြားသည်။
အမေရိကန်၊ ဩစတြေးလျ၊ အိန္ဒိယ၊ ဂျပန် လေးနိုင်ငံအဖွဲ့(Quad) နိုင်ငံခြားရေး ဝန်ကြီးများ အစည်းအဝေးအပြီး သတင်းစာရှင်းလင်းပွဲတွင် ဝန်ကြီးဘလင်ကန် က မြန်မာ့အခြေ အနေဆိုးရွားနေမှုကို ထည့်သွင်းပြောကြားကာ သမ္မတဘိုင်ဒန် ၏ မကြာခင်ကျင်းပမည့် အာဆီယံခေါင်းဆောင်များနှင့်တွေ့ဆုံပွဲတွင် မြန်မာ့အရေးကို အလေးထားအာရုံစိုက်မည်ဟု ဆက်ပြောသည်။
“အခြေအနေတွေက နက်နက်ရှိုင်းရှိုင်းပြဿနာရှိနေတယ်ဆိုတာ စိတ်ပျက်ဖွယ် ကောင်း လောက်အောင်ထင်ရှားနေပါတယ်”ဟု အမေရိကန်နိုင်ငံခြားရေး ဝန်ကြီးက ဆိုသည်။
အမေရိကန်အစိုးရသည် အာဆီယံ၏ ဘုံဆုံးဖြတ်ချက်၅ရပ်ကို အားပေး ထောက်ခံပြီး ယင်းအချက်များကို အကောင်အထည်ဖော်ရန် လိုအပ်ကြောင်း ဘလင်ကန်က ပြောသည်။
Public Service Announcement
ထို့အပြင် မကြာခင်တွင် ဝါရှင်တန်၌ အာဆီယံခေါင်းဆောင်များကို အမေရိကန်သမ္မတ ဘိုင်ဒန်က လက်ခံတွေ့ဆုံမည်ဖြစ်ပြီး ယင်းတွေ့ဆုံပွဲတွင် မြန်မာ့အရေးကို အလေးပေး ဆွေးနွေးမည်ဟု အထက်ပါနိုင်ငံခြားရေးဝန်ကြီးက အသိပေးသည်။
ကိုးကား – metro.us
