Connect with us

Hi, what are you looking for?

LuduNwayOo

News

သမိုင်းခုံးတံတားအနီး လုယက်နေသူများကို အပြစ်ပေးအရေးယူမည်ဟု MSIYDF သတိပေး

ယင်းလုယက်မှုများကို စစ်ကောင်စီလက်ပါးစေရဲဘက်မှ တာဝန်ယူဖြေရှင်းပေးရမည်ဖြစ်သော်လည်း လက်ရှိအချိန်တွင် ဖြေရှင်းပေးသူမရှိသောကြောင့် ၎င်းတို့အဖွဲ့အနေဖြင့် တတ်နိုင်သလောက်လုပ်ဆောင်မည်ဟု ယင်းအဖွဲ့ဝင်က ပြောသည်။

People's Spring
People's Spring

ရန်ကုန်မြို့ မရမ်းကုန်းမြို့နယ် သမိုင်းခုံးတံတားအနီး၌ လုယက်မှုများနေ့စဥ်ဖြစ်နေသော်လည်း အရေးယူဆောင်ရွက်မည့်သူမရှိသောကြောင့် အဆိုပါ လုယက်သူများကို အပြစ်ပေးအရေးယူမည်ဟု MSI Youth Defence Forces (MSIYDF)အဖွဲ့က (ဖေဖော်ဝါရီ ၁၆ ရက်) သတိပေးထုတ်ပြန်သည်။

“ဒီရက်ပိုင်း သမိုင်းတစ်ဝိုက်မှာ နေ့စဥ်လိုလိုဖြစ်နေပါတယ်။ဆိုင်ကယ်နှစ်စီးနဲ့ပါ ဘယ်သူကမှလည်းအရေးတယူလုပ်ပေးမယ့်သူမရှိပါဘူး။ ညနည်းနည်းမှောင်တာနဲ့ဖြစ်ပါပြီ။ ဟိုတနေ့ကဆိုနေ့ခင်းဘက်တောင်ဆွဲ ကြိုးဖြတ်လုသွားတယ်လို့ကြားရပါတယ်” ဟု MSI Youth Defence Forces အဖွဲ့ဝင်တစ်ဦးက ပြောသည်။

ယင်းလုယက်မှုများကို စစ်ကောင်စီလက်ပါးစေရဲဘက်မှ တာဝန်ယူဖြေရှင်းပေးရမည်ဖြစ်သော်လည်း လက်ရှိအချိန်တွင် ဖြေရှင်းပေးသူမရှိသောကြောင့် ၎င်းတို့အဖွဲ့အနေဖြင့် တတ်နိုင်သလောက်လုပ်ဆောင်မည်ဟု ယင်းအဖွဲ့ဝင်က ပြောသည်။

“အဆိုပါ လုယက်မှုများကိုပြုလုပ်နေသော မည်သူကိုမဆို ထိရောက်စွာ အပြစ်ပေးမည်ဖြစ်ပါသည်။ သို့ဖြစ်ပါ၍ထိုသို့ပြုလုပ်နေသူများအား နောက်နောင် အဆိုပါလုပ်ရပ်များအား မပြုလုပ်ရန် ပထမဆုံးအကြိမ်နှင့် နောက်ဆုံးအကြိမ်အဖြစ် သတိပေးအပ်ပါသည်”ဟု ၎င်းတို့အဖွဲ့၏ ထုတ်ပြန်ချက်၌ ဖော်ပြထားသည်။

Public Service Announcement

Public Service Announcement

သို့သော် သတိပေးချက်ကိုမလိုက်နာဘဲ လုယက်မှုများဆက်လက်ပြုလုပ်နေပါက ၎င်းတို့အဖွဲ့အနေဖြင့် လုပ်သင့်သည့်ကိစ္စများကို ဆက်လက်လုပ်ဆောင်မည်ဟု ထုတ်ပြန်ထားသည်။

“ပြည်သူတွေရဲ့ဘအသက်အိုးအိမ်စည်းစိမ်ကို ကာကွယ်ပေးဖို့က ကျွန်တော်တို့ရဲ့တာဝန်ဖြစ်တဲ့အတွက် ကျွန်တော်တို့က အတတ်နိုင်ဆုံးလုပ်ဆောင်ပေးသွားမှာပါ”ဟု အထက်ပါအဖွဲ့ဝင်ကပြောသည်။

ဆက်စပ်သတင်းများ

သတင်း

စစ်ကောင်စီ ထောင်ထားသော စွန့်လွှတ်မိုင်းအား နင်းမိသောကြောင့် ပလက်ဝမြို့နယ်၊ ဖွေလိုက်ဝ (၂) ကျေးရွာမှ ဒေသခံအမျိုးသားတစ်ဦး ပွဲချင်းပြီးသေဆုံးခဲ့ရသည်ဟုလည်း အသိပေးထားသည်။

နိုင်ငံတကာ

ထိုင်းနိုင်ငံမှာ အလုပ်လက်မဲ့ ဦးရေ အချိုးအစားဟာ လက်ရှိမှာ ၁ ရာခိုင်နှုန်းအောက်သာ ရှိနေပြီး ထိုင်းအနေနဲ့ မြန်မာ အပါအဝင် အိမ်နီးချင်း နိုင်ငံတွေဆီက လုပ်သားရင်းမြစ်တွေကို ပိုမို လိုအပ်နေတယ်လို့လည်းဆရက်သာက ဆိုပါတယ်။

သတင်း

ရက္ခိုင်နှင့် ချင်းပြည်နယ် ပလက်၀မြို့နယ် တိုက်ပွဲများမှ ထွက်ပြေးလာသည့် စစ်သားများ အနက် ဗိုလ်ကြီးအဆင့် အပါအဝင် စစ်ကောင်စီတပ်သား ၁၅ဦးကို ဇန်နဝါရီ ၃၀ရက်တွင် CDF ဒိုင်ရ်ဒေသ၌ ဖမ်းမိခဲ့သည်ဟု အသိပေးထားသည်။

သတင်း

စစ်ပွဲ၌ စစ်ရေးပီပီပြင်ပြင် ပြုမူတုန့်ပြန်ရသည်ကို လက်ခံနိုင်သော်လည်း စစ်ရေးကျင့်ဝတ်နှင့် မလျော်ညီသည်များကိုအမျိုးသားညီညွတ်ရေးအစိုးရအနေဖြင့် ခွင့်ပြု၍ မရကြောင်း အလေးအနက်ထား ပြောကြားခဲ့သည်။