မိုးဗြဲမြို့အနီး ကျားပါးစပ်တောင်သို့ ထိုးစစ်ဆင်လာသော အကြမ်းဖက်စစ်တပ်နှင့် မိုးဗြဲပြည်သူ့ကာကွယ် ရေးတပ်(PDF)တို့ ထိတွေ့တိုက်ပွဲဖြစ်ပွားခဲ့ရာ နှစ်ဖက်ထိခိုက်ကျဆုံးမှုရှိခဲ့သည်ဟု မိုးဗြဲ PDFက သတင်းထုတ်ပြန်သည်။
တိုက်ပွဲမှာ ဖေဖော်ဝါရီ ၁၉ရက် နေ့လယ်ပိုင်းမှ ညနေပိုင်းအထိဖြစ်ပွားခဲ့ပြီး အကြမ်းဖက်စစ်တပ်ဘက်မှ လက်နက်ကြီး အဆမတန် အသုံးပြုခဲ့သည်ဟု ဆိုသည်။
တိုက်ပွဲတွင် အကြမ်းဖက်စစ်တပ်ဘက်မှ ဒဏ်ရာရရှိသူများနှင့် သေဆုံးမှုများရှိပြီး အရေအတွက်ကို အတည်ပြုနိုင်ခြင်း မရှိကြောင်း ဖော်ပြသည်။ ယင်းတိုက်ပွဲ၌ မိုးဗြဲ PDFမှ ရဲဘော်တစ်ဦးလည်း ကျဆုံးခဲ့သည်ဟုဆိုသည်။
မိုးဗြဲမြို့နှင့် အနီးတဝိုက်သို့ စစ်ကောင်စီတပ်က အင်အားများဖြည့်တင်းဝင်ရောက်လာ၍ ဖေဖော်ဝါရီ ၁၆ရက်မှစတင်၍ နေ့တိုင်းတိုက်ပွဲပြင်းထန်ခဲ့သည်။ စစ်ကောင်စီတပ်ကို တိုက်ခိုက်ရာတွင် ဒေသတွင်း PDF တပ်များ၊ ကရင်အမျိုးသားကာကွယ်ရေးတပ်(KNDF)၊ ကရင်နီတပ်မတော် (KA)အပါအဝင် အဆိုပါဒေသရှိ တော်လှန် ရေးတပ်များပူးပေါင်း ဆောင်ရွက်နေခြင်းဖြစ်သည်။
Public Service Announcement
