အကြမ်းဖက်စစ်ကောင်စီခန့် စစ်ကိုင်းတိုင်းဝန်ကြီးချုပ် မြတ်ကျော်၏ယာဉ်တန်း ယမန်နေ့ (ဖေဖော်ဝါရီ ၂၀ရက်)က မိုင်းဆွဲတိုက်ခိုက်ခံရကြောင်း ယင်းမာခံနယ်ခံ အချို့က ပြောသည်။
“တိုက်ခိုက်ခံရတာဟုတ်ယ်။ ဘယ်လောက်ကျလို့ ဘယ်နှစ်စီးထိခိုက် တယ်ဆို တာ တိုက်ခိုက် ရေးနေရာမှာ ပါတာမဟုတ်တဲ့အတွက် ဖုန်းသတင်းအရပဲ သိရတာ”ဟု တိုက်ခိုက်မှု လုပ်ဆောင်ခဲ့သည့် ဒေသကာကွယ်ရေးတပ်ဖွဲ့ နှင့်နီးစပ်သူတစ်ဦးက ပြောသည်။
အခြားယင်းမာပင်နယ်ခံတစ်ဦးကလည်း မြတ်ကျော်လိုက်ပါလာသည့် ယာဉ်တန်းတိုက်ခိုက် ခံရပြီး ထိခိုက်မှုအခြေအနေ အသေးစိတ်မသိရသေးဟု ပြောသည်။
“မုံရွာဘက်ကနေလာရင် ချင်းတွင်းတံတားကို ဖြတ်ပြီးတော့ ပုသိမ်လမ်းခွဲ ဆိုတာရှိတယ်။ ပုသိမ်လမ်းခွဲကနေပြီးမှ သူတို့က တက်လာကြတာ။ အဲဒီကနေ လက်ပံတောင်းကနေ အနောက် ကိုသွားရင် ဖိုလ်ဝင်တောင်ကို ရောက်တယ်။ အဲဒီဘက်မှာ မိုင်းဆွဲတာ” ဟု ၎င်းက ဆိုသည်။
Public Service Announcement
ဒေသတွင်း ချင်းတွင်းရိုးမ သတင်းဌာန၏ဖော်ပြချက်တွင် မိုင်းဖြင့် တိုက်ခိုက် ခံရခြင်းကြောင့် စစ်ကောင်စီခန့် စစ်ကိုင်းတိုင်းဝန်ကြီးချုပ် မြတ်ကျော်၏ ယာဉ်တန်းပါ စစ်ကောင်စီတပ်သား များသေဆုံးထိခိုက် မှုရှိသည်ဟု ပါရှိသည်။
