ရန်ကုန်မြို့ သမိုင်း စီးတီးမတ်အနီးရှိ အကြမ်းဖက်စစ်ကောင်စီ ရဲကင်းအား တိုက်ခိုက်ခဲ့ပြီး စစ်ကောင် စီတပ်သားငါးဦးသေဆုံးကြောင်း ဗမာ့လူငယ်ကွန်ရက်မြို့ပြပြောက်ကျားစစ်တပ်ဖွဲ့က ထုတ်ပြန်သည်။
ယနေ့(ဖေဖော်ဝါရီ ၂၁ ရက်) နေ့လယ်၁ နာရီမိနစ် ၂၀ခန့်က တိုက်ခိုက်ခဲ့သောစစ်ဆင်ရေးတွင် မျက်မြင်တွေ့ရှိသူများ၏အဆိုအရ စစ်သားတစ်ဦးနှင့် ယာဥ်ထိန်းရဲတစ်ဦးမှာ နေရာတွင်း ပွဲချင်းပြီးသေဆုံးခဲ့သည်ဟု ဆိုသည်။
ကျန်ရှိသည့် စစ်သားသုံးဦးမှာလည်း ခန္ဓာကိုယ် အစိတ် အပိုင်းများပြတ်ထွက်သွားသည့်အတွက် စုစုပေါင်း စစ်ကောင်စီတပ်သားငါးဦး သေဆုံးသည်ဟု ဗမာ့လူငယ်ကွန်ရက်အဖွဲ့ဝင်တစ်ဦးက လူထုနွေဦးသို့ ရှင်းပြသည်။
“အဓိက နှစ်ထပ်ကင်းဖြစ်သွားခဲ့ရင် တခြားအင်အားစုတွေရော ကိုယ်တွေရော စစ်ဆင်ရေးအပြီး Back line တစ်ခုလျော့သွားမှာစိုးတယ်။တီးဖို့ သေချာလေး အစီအစဥ်ချပြီး တီးနိုင်ခဲ့တာဗျ”ဟု ၎င်းက ပြောသည်။
Public Service Announcement
ထိုစစ်ဆင်ရေးကို ပူးပေါင်းဖော်ဆောင်ခဲ့သည့် ဗမာ့လူငယ်ကွန်ရက် မြို့ပြပြောက်ကျားစစ်တပ်ဖွဲ့ နှင့် Myanmar Defense Force မှ တပ်ဖွဲ့ဝင်များအားလုံးဘေးကင်းစွာ ဆုတ်ခွာနိုင်ခဲ့ကြောင်းလည်း အသိပေးသည်။
ယခုတစ်ကြိမ်အပါအဝင် သမိုင်း စီးတီးမတ်အနီးရှိ စစ်ကောင်စီတပ်ဖွဲ့နေရာအား မြို့ပြပြောက်ကျားတပ်ဖွဲ့များ၏ သုံးကြိမ်တိုင် တိုက်ခိုက်နိုင်ခံရခြင်း ဖြစ်သည်။
