စစ်ကိုင်းတိုင်း ကောလင်းမြို့တွင် အကြမ်းဖက်စစ်ကောင်စီ၏ ကင်းလှည့်ယာဥ်တန်း မိုင်းဆွဲခံရပြီး စစ်ကောင်စီတပ်သား ၁၃ဦး သေဆုံးကြောင်း Kawlin Revolution -KR က ထုတ်ပြန်သည်။
ယနေ့(ဖေဖော်ဝါရီ ၂၁) နေ့လည် ၂နာရီခွဲခန့်က အကြမ်းဖက်စစ်ကောင်စီယာဥ် အသေးနှစ်စီးနှင့် အကြီးတစ်စီးပါယာဥ်တန်းကို ကောလင်းမြိုအရှေ့ဘက် ကားကြီးကွင်းအရှေ့ ရွှေမင်းဝံလမ်းမပေါ်တွင် မိုင်းဆွဲခဲ့ခြင်း ဖြစ်သည်။
“နောက်ဆုံးမှပါလာသော ခွေးကားအကြီး ထိခိုက်ခဲ့ပြီး ကားနောက်ခန်းတွင်ပါလာသော စခ အကောင်၁၃ ကောင်ကို လားပင်စင်ပေးလိုက်နိုင် ကြောင်းသိရပါတယ်”ဟု KR က ဆိုသည်။
အခင်းဖြစ်ရာနေရာရှိ သွေးကွက်များကိုလည်းစစ်ကောင်စီတပ်က တာရာကွင်းများဖြင့် မီးရှို့ကာ ဖျောက်ဖျက်ခဲ့သည်ဟုလည်း အသိပေးသည်။
Public Service Announcement
မိုင်းဆွဲတိုက်ခိုက်ခံခဲ့ရသောအကြမ်းဖက်စစ်ကောင်စီတပ်က အခင်းဖြစ်ပွားရာအနီးရှိ ဒေသခံပြည်သူ ခုနစ်ဦးကိုလည်း မတရားဖမ်းဆီးခဲ့ကြောင်း သိရသည်။
စစ်ဆင်ရေးဆောင်ရွက်ခဲ့သည့် တေယ်လှန်ရေး ရဲဘော်များသည် အထိအခိုက်မရှိ ဘေးကင်းရာသို့ ဆုတ်ခွာနိုင်ခဲ့ကြောင်းလည်း ထုတ်ပြန်ချက်၌ ဖော်ပြသည်။
