အကြမ်းဖက်စစ်ကောင်စီတပ်က ယနေ့နံနက်တွင် လက်နက်ကြီးဖြင့် အကြောင်းမဲ့ပစ်ခတ်၍ ဖယ်ခုံမြို့နယ်ဒေသခံ ကလေးငယ်တစ်ဦးနှင့် အဘိုးအိုတစ်ဦး ဒဏ်ရာရခဲ့ကြောင်း အဆိုပါ နယ်မြေအတွင်း စစ်ရေးသတင်းများကို ရေးသားဖော်ပြနေသည့် ဒေသခံတစ်ဦးက အသိပေးထားသည်။
ဖေဖော်ဝါရီ ၂၃ရက် နံနက် ၈နာရီခန့်တွင် မိုးဗြဲမြို့ အခြေစိုက် (၄၂၂)တပ်မှ ဖယ်ခုံမြို့နယ် ကဖုရွာကို လက်နက်ကြီးဖြင့် ခြောက်ချက်ပစ်ခတ်ခဲ့ခြင်းဖြစ်သည်ဟုဆိုသည်။
စစ်ကောင်စီ၏ အကြောင်းမဲ့ ပစ်ခတ်မှုကြောင့် ကဖုရွာနေ အသက် ၇၂နှစ်အရွယ် ဦးဘန်းဂျေလို နှင့် အသက် ၁၄နှစ်အရွယ် မကယ်ရိုမင်းတို့ ထိခိုက်ဒဏ်ရာရရှိခဲ့ကြောင်း ဖော်ပြသည်။
အကြမ်းဖက်စစ်ကောင်စီတပ်သည် ရှမ်း-ကယားနယ်စပ် ဆောင်ကန်းရွာကိုလည်း လက်နက်ကြီးဖြင့် အကြောင်းမဲ့ ပစ်ခတ်ခဲ့ကြောင်း၊ ပြည်သူလူထု နေထိုင်ရာ ကျေးရွာရပ်ကွက် သို့ အကြောင်းမဲ့ ပစ်ခတ်ခြင်းသည် စစ်ကောင် စီတပ်၏ လူမဆန်သည့်လုပ်ရပ်ဖြစ်ကြောင်း ၎င်း ကဆိုသည်။
ယခင်ကလည်း စစ်ကောင်စီတပ် လက်နက်ကြီးဖြင့် ရမ်းသမ်းပစ်ခတ်ခဲ့သောကြောင့် ဖယ်ခုံဒေသခံများ သေဆုံးထိခိုက်မှုများရှိခဲ့သည်။