ဒီး​မော့ဆိုနယ်တွင် အကြမ်းဖက်စစ်​​ကောင်စီတပ် တိုက်​လေယာဥ်ဖြင့် ဗုံးကြဲမှု​ကြောင့် ပြည်သူနှစ်ဦး​သေဆုံး၊ ​လေးဦးဒဏ်ရာပြင်းထန်

ကရက်နီပြည်နယ်တွင် ယ​နေ့(ဖေ​ဖော်ဝါရီ ၂၃) ည​နေပိုင်းက အကြမ်းဖက်စစ်​ကောင်စီတပ်၏ တိုက်​လေယာဥ်ဖြင့် ဗုံးကြဲတိုက်ခိုက်မှု​ကြောင့် ဒီးမော့ဆိုမြို့နယ်၊ဆီးလီဒုန်း ​ကျေရွာ​နေပြည်သူနှစ်ဦး ဗုံးထိမှန်​သေဆုံးပြီး ​လေးဦးပြင်းထန်စွာ ဒဏ်ရာရခဲ့ကြောင်း ကရင်နီအမျိုးသားများကာကွယ်ရေးတပ်(KNDF)က ထုတ်ပြန် သည်။

ထို့အပြင် တစ်​နေကုန်းနီးပါ အကြမ်းဖက်စစ်​ကောင်စီ၏ အ​မြောက်လက်နက်ကြီးပစ်ခတ်မှုကြောင့် နန်းမယ်ခုံ ​ကျေးရွာတွင်လည်း နေအိမ်များမီး​လောင်​နေသည်ဟု ဆိုသည်။

နန်းမယ်ခုံ ဒေသတစ်ဝိုက်ကို တပ်စွဲနိုင်ရန် အတွက် အကြမ်းဖက်စစ်ကောင်စီက ယနေ့(ဖေဖော်ဝါရီ ၂၃ ရက်) နံနက် ၅ နာရီကစတင်ကာ လက်နက်ကြီးများ စတင်ပစ်ခတ်၍ နယ်မြေကျူးကျော် စစ်ကြောင်းထိုးမှုများပြုလုပ်လာခဲ့ကြောင်း ကရင်နီပြည်သူ့ကာကွယ်ရေးတပ်များက အသိပေးသည်။

ဒေသခံပြည်သူ့ကာကွယ်ရေးပူးပေါင်းတပ်များနှင့် ထိတွေ့တိုက်ပွဲများပြင်းထန်လျက်ခဲ့ပြီး ည​နေ၆နာရီခန့်အထိ တိုက်ခိုက်ရေး ဂျက်လေယာဉ်နှစ်စီးဖြင့် ငါးကြိမ်ထက်မနည်းပစ်ခတ်ခြင်းနှင့် ဒုံးပစ်ချခြင်းများပြုလုပ်ပြီး တရစပ် ထိုးစစ်ဆင်လျက်ရှိသည်ဟု ​ဖော်ပြထားသည်။

Public Service Announcement

ကရင်နီပြည်တွင် တိုက်ပွဲများမှာ ၈ရက် ကြာသည်အထိ ဆက်လက်ပြင်းထန်လျက်ရှိပြီး အကြမ်းဖက်စစ်ကောင်စီတပ်များမှ ၆၀ဦးထက်မနည်း ကျဆုံးခဲ့ပြီး ပြည်သူ့ကာ ကွယ်ရေးပူးပေါင်းတပ်များမှလည်း ထိခိုက်ကျဆုံးမှုများ နေ့စဥ်နှင့်အမျှရှိနေသည်။