ချောင်းဦးမြို့မ ရဲစခန်းကို တိုက်ခိုက်ရာ အကြမ်းဖက်စစ်ကောင်စီတပ်သားနှစ်ဦးသေဆုံးကြောင်း ချောင်းဦးမြို့နယ်ပြည်သူ့ကာကွယ်ရေးတပ်ဖွဲ့(CHU PDF)က ယနေ့(ဖေဖော်ဝါရီ ၂၄)တွင် ထုတ်ပြန်သည်။
CHU PDF တပ်ခွဲ(၁)မှ ရဲဘော်များသည် ယမန်နေ့ (ဖေဖော်ဝါရီ ၂၃ ရက်)က ချောင်းဦးမြို့နယ်အတွင်း ဝင်ရောက်ကာ မြို့မရဲစခန်း၏ ကင်းစောင့်နေသည့် စစ်ကောင်စီတပ်ဖွဲ့ဝင်များကို တိုက်ခိုက်ခဲ့ရာ ရဲနှစ်ဦး သေဆုံးခဲ့ခြင်းဟု ဆိုသည်။
ရဲစခန်းအား သွားရောက်တိုက်ခိုက်ခဲ့သော ရဲ ဘော်များ အန္တရာယ်ကင်းစွာ ဆုတ်ခွာနိုင်ခဲ့သည်ဟုလည်း အသိပေးသည်။
ယမန်နေ့က ချောင်းဦးမြို့နယ် ကံကြီးကုန်းကျေးရွာမှ ပျူစောထီး များလာရောက်သည်ဆိုသော နေရာကို ချောင်းဦး ပြည်သူ့ကာကွယ်ရေးတပ်ခွဲ (၂)မှ တပ်စိတ်တစ်စိတ်မှ သွားရောက်တိုက် ခိုက်ခဲ့ရာ အကြမ်းဖက်စစ်ကောင်စီတပ်သားအင်အား ၂၀ ခန့်ဖြင့် နှစ်ဖက်အပြန်အလှန် ပစ်ခတ်မှုဖြစ်ပွားခဲ့သည်။
Public Service Announcement
ထိုဖြစ်စဥ်တွင် CHU PDF ၏ တပ်ခွဲ (၂)တပ်ခွဲမှူးအပါအဝင် ရဲဘော်သုံးဦးကျဆုံးခဲ့ကာ AK-47
သေနတ်တစ်လက်၊လက်လုပ်သေနတ်တစ်လက် နှင့် .22 mm သေနတ်အတို တစ်လက် နှင့် ကျည်အချို့ ဆုံးရှုံးခဲ့သည်။
အကြမ်းဖက်စစ်ကောင်စီဘက်မှလည်း သုံးဦးထိမှန်လဲကျပြီး သေဆုံးမှု ရှိ၊မရှိ ကိုမူ အတည်မပြုနိုင်သေးပေ။
အကြမ်းဖက်စစ်ကောင်စီတပ်နှင့် ထိတွေ့တိုက်ပွဲကြောင့် ဖေဖော်ဝါရီ ၂၃ ရက် နေ့လယ်ပိုင်းကစ၍ ချောင်းဦးမြို့နယ်အတွင်းရှိ မုံရွာ – ချောင်းဦး – မြင်းမူ လမ်းပိုင်းချောင်းဦး – ပခုက္ကူလမ်းပိုင်း၊ မုံရွာ – အမြင့် – တောကျောင်းကြီးလမ်းပိုင်း၊ ခင်မွန် – ကျီကုန်း – ရွှေဒါးကျလမ်းပိုင်း နှင့်ချောင်းဦး – အမြင့်လမ်းပိုင်းများကို ယာယီပိတ်ထားမည်ဟု သတိပေး ကြေညာထားသည်။
