စစ်အာဏာရှင်စနစ် ဆန့်ကျင်ရေး နွေဦးတော်လှန်ရေးကာလ ကိုးလတာအတွင်း စစ်ကောင်စီတပ်သား ၉,၀၀၀ ကျော်သေဆုံးခဲ့ကြောင်း အမျိုးသားညီညွတ်ရေးအစိုးရ (NUG)၊ ကာကွယ်ရေးဝန်ကြီးဌာနက ယနေ့ (ဖေဖော်ဝါရီ ၂၇)ထုတ်ပြန်သည်။
ယမန်နှစ်(၂၀၂၁)ဇွန်လ ၁ ရက်မှ ယခုနှစ် ၂၀၂၂ ဖေဖော်ဝါရီ ၂၁ ရက်အထိ ကိုးလအတွင်း စစ်ကောင်စီတပ်သား ၉,၀၀၈ ဦးသေဆုံးကာ ထိခိုက်ဒဏ်ရာရသူ ၃,၁၅၈ ဦးရှိကြောင်း ထုတ်ပြန်ချက်တွင် ဖော်ပြသည်။
ထို့အပြင် အရပ်သားပြည်သူထိခိုက်သေဆုံးမှုများတွင် သေဆုံးသူ ၁,၇၆၀ ဦး၊ ထိခိုက်ဒဏ်ရာရသူ ၁,၀၄၇ ဦးနှင့် ဖမ်းဆီးထိန်းသိမ်းခံရသူ ၅,၃၀၁ဦးရှိကြောင်း ကာကွယ် ရေးဝန်ကြီးဌာနက ထုတ်ပြန်သည်။
ထုတ်ပြန်ထားသည့် ကိန်းဂဏန်းအချက် အလက်များမှာ သတင်းမီဒီယာပေါင်း ၄၀နှင့် မြေပြင်မှ တိုက်ရိုက်ရရှိသော သတင်းများကို ဆန်းစစ်လေ့လာစုဖော်ပြခြင်းဖြစ်ပြီး မြေပြင်ကိန်းဂဏန်းများသည် ယခုထက်ပိုနိုင်ကြောင်းလည်း ဖော်ပြထားသည်။