ယနေ့(မတ်လ ၈ ရက်)ကျရောက်သော အပြည်ပြည်ဆိုင်ရာ အမျိုးသမီးများနေ့တွင် မမြသွဲ့သွဲ့ခိုင်၊ မအိန်ဂျယ်ကြယ်စင်၊ မခင်မျိုးချစ် အပါအဝင် လွန်ခဲ့သည့်တစ်နှစ်အတွင်း ကြွေလွင့်ခဲ့ရသည့် အမျိုးသမီးများနှင့် မိန်းကလေးများအားလုံးကို အောက်မေ့ဂုဏ်ပြုကြောင်း အမေရိကန်သံရုံးက ထုတ်ပြန်သည်။
မမြသွဲ့သွဲ့ခိုင်၊ မအိန်ဂျယ်ကြယ်စင်၊ မခင်မျိုးချစ်အပါအဝင် အမျိုးသမီး ၁၂၀ ကျော်သည် အကြမ်းဖက်စစ်တပ်၏ လက်ချက်ကြောင့် ကျဆုံးခဲ့ရခြင်းဖြစ်သည်။
မြန်မာနိုင်ငံအတွင်း အားလုံးပါဝင်နိုင်သည့် ဒီမိုကရေစီစနစ်အတွက် မဆုတ်မနစ်ကြိုးပမ်းအားထုတ်လျက်ရှိသော ရဲဝံ့သည့်အမျိုးသမီးများအားလုံးကို ချီးကျူးဂုဏ်ပြုကြောင်း မြန်မာနိုင်ငံဆိုင်ရာ အမေရိကန်သံရုံးက ထုတ်ပြန်သည်။
နိုင်ငံရေးအကျဉ်းသားများစောင့်ရှောက်ရေးအသင်း (AAPP)ကောက်ခံရရှိသည့် စာရင်းအရ မတ်လ ၇ ရက်အထိ နိုင်ငံတဝန်း၌ အကြမ်းဖက်စစ်တပ်ကြောင့် ၁,၆၂၀ ကျဆုံးခဲ့သည်။
Public Service Announcement
ယင်းအနက် အနည်းဆုံးအမျိုးသမီး ၁၂၂ ဦး၊ လူငယ် ၇၂၄ ဦး၊ ကလေးသူငယ် ၁၁၀ ဦးပါဝင်ကြောင်း အမျိုးသားညီညွတ်ရေးအစိုးရ (NUG)က ထုတ်ပြန်ထားသည်။
