စစ်ကိုင်းတိုင်း တန့်ဆည်မြို့ ကံထူးမရဲစခန်းမှ စစ်ကောင်စီလက်ပါးစေ ရဲတစ်ဦး ကိုယ့်ထောင်ထားသောမိုင်း ပြန်နင်းမိ၍ ဒဏ်ရာအပြင်း အထန်ရရှိကြောင်း တန့်ဆည်ပြည်သူ့ကာကွယ်ရေးတပ်ဖွဲ့ဝင်များက လူထုနွေဦးသို့ ပြောသည်။
ဖြစ်စဥ်မှာ မတ်လ၉ရက် ညနေ ၅နာရီခန့်က ရဲများ သန့်ရှင်းရေးလုပ်နေစဉ် စခန်းနံရံအနီး ကပ်ထောင်ထားသော မိုင်းနင်းမိ၍ ပေါက်ကွဲခဲ့ခြင်းဖြစ်သည်။
“ကျွန်တော်တို့ သိထားသလောက်ဆို စုတ်ပြတ်သတ်ပြီး ပြင်းပြင်းထန်ထန် ဒဏ်ရာရသွားတာ ရဲခွေးတစ်ယောက်ပါ။လောလောဆယ် ဆေးကုနေတုန်းပဲလို့ သိရတယ်”ဟု တန့်ဆည် ပြည်သူ့ကာကွယ်ရေးတပ်ဖွဲ့ဝင်တစ်ဦးက ပြောသည်။
ဒဏ်ရာရရှိခဲ့သော စစ်ကောင်စီလက်ပါးစေ ရဲမှာ မေးစေ့၊ လက်၊ ခြေထောက်တို့တွင် ကွဲပြဲဒဏ်ရာများ ရရှိခဲ့သည်ဟု သိရသည်။
Public Service Announcement
ကံထူးမရဲစခန်းကို ဖေဖော်ဝါရီ၉ရက်က တန့်ဆည် PDFတပ်ပေါင်းစု စီးနင်းတိုက်ခိုက်ခဲ့ပြီး စစ်ကောင်စီတပ်ဖွဲ့မှ ၄၀ ခန့်သေဆုံးခဲ့ကြောင်း ပြည်သူ့ကာကွယ်ရေးတပ်များက ထုတ်ပြန်ထားသည်။
ထို့ကြောင့် ရဲစခန်းနှင့် ရဲကင်းစခန်းသို့ ဝင်ရောက်နိုင်သည့် လမ်းကြောင်းများတွင် မိုင်းများထောင်ရန် ညွှန်ကြားစာပါ အကြမ်းဖက်စစ်ကောင်စီက ဖေဖော်ဝါရီအတွင်း ညွှန်ကြားခဲ့သည်။
