စစ်ကိုင်းတိုင်း မုံရွာမြို့ရှိ အနောက်မြောက်တိုင်းစစ်ဌာနချုပ်(နမခ)အတွင်း ယနေ့နံနက်ပိုင်းက ပေါက်ကွဲသံတစ်ခုထွက်ပေါ်ခဲ့ပြီး လက်နက်တိုက်ပေါက်ကွဲမှုဟု ယူဆရကြောင်း ဒေသခံများက ပြောသည်။
ယနေ့(မတ်လ ၁၂ ရက်)နံနက် ၇ နာရီခန့်က မုံရွာမြို့ နမခ တိုင်းစစ်ဌာနချုပ်အတွင်းရှိ လက်နက်တိုက်တစ်ခု ပေါက်ကွဲခဲ့ပြီး အကြမ်းဖက်စစ်တပ်ကားများ တိုင်းပေါက်အတွင်း အင်အားအများအပြားဖြင့် ဝင်ရောက်သွားကြောင်း၊ မီးသတ်ကား ၅ စီးခန့်ဝင်သွားကြောင်း မုံရွာမြို့နယ် သတင်းမှန်ပြန်ကြားရေးက သတင်းထုတ်ပြန် သည်။
“ဒါကြောင့် ရဟတ်ယာဉ်သံတွေ ဆက်တိုက်ကြားနေရတာထင်တယ်”ဟု မုံရွာဒေသခံတစ်ဦးက ပြောသည်။
ယနေ့နံနက်ပိုင်းတွင် အကြမ်းဖက်စစ်တပ်သည် မြို့တွင်းလှည့်လည်စစ်ဆေးမှုများ ပြုလုပ်နေပြီး ဖမ်းဆီးခံရသူအချို့လည်းရှိနေကြောင်း ဒေသခံများက ပြောသည်။
Public Service Announcement
