စစ်ကိုင်းတိုင်း စစ်ကိုင်းမြို့ဆေးရုံတွင် အစောင့်ကျနေသော စစ်မှုထမ်းဟောင်းအချင်းချင်း ပစ်ခတ်မှုဖြစ်ပွားရာနှစ်ဦးသေဆုံးပြီးတစ်ဦးထိခိုက်ဒဏ်ရာများ ရရှိသွားကြောင်း ဒေသခံများက ပြောသည်။
ယနေ့(မတ်လ ၁၂ ရက်) နံနက်ပိုင်းက စစ်ကိုင်းမြို့ ကုတင် ၂၀၀ဆံ့ဆေးရုံ အစောင့်အဖြစ် စစ်ကောင်စီကခန့်အပ်ထားသည့် စစ်မှုထမ်းဟောင်းများ အချင်းချင်းစကားများပြီး ပစ်ခတ်ကြရာ နှစ်ဦးသေဆုံးခဲ့ပြီး တစ်ဦး အရေးပေါ်အခြေအနေမှာရှိနေကာ စိုးရိမ်ရကြောင်း ဆေးရုံနှင့်နီးစပ်သူများ၏ ပြောကြားချက် ကိုးကားကာ စစ်ကိုင်းမြို့နယ်သတင်းမှန်ပြန်ကြားရေးက အသိပေးသည်။
စစ်ကိုင်းကုတင် ၂၀၀ဆံ့ဆေးရုံ အစောင့်အဖြစ် စစ်မှု ထမ်းဟောင်းသက်ကြီးရွယ်အိုများအား အကြမ်းဖက်စစ်ကောင်စီက တစ်ရက်လျှင် နေ့စားခ ၇,၀၀၀ ကျပ်နှုန်းဖြင့် ခန့်ထားခဲ့ခြင်းဖြစ်ကြောင်း စစ်ကိုင်းမြို့နယ် သတင်းမှန်ပြန်ကြားရေး၏ ထုတ်ပြန်ချက်တွင် ဖော်ပြသည်။
အဆိုပါ ပစ်ခတ်မှုဖြစ်စဥ်နှင့်ပတ်သက်၍ အတည်ပြုရန်ကြိုးစားနေဆဲဖြစ်သည်။