ကချင်ပြည်နယ် ဗန်းမော်ခရိုင် မံစီမြို့နယ်နှင့် စင်းခန်းတိုက်နယ်အတွင်းရှိ ကျေးရွာအုပ်ချုပ်ရေးမှူးများနှင့် ရပ်ကျေးဝန်ထမ်းများအားလုံး နှုတ်ထွက်ရန် PDF-ShweGuက ယနေ့(မတ်လ ၁၅) ထုတ်ပြန်သည်။
ယခုလ ၂၂ ရက် နောက်ဆုံးထား၍ စင်းခန်းတိုက်နယ်ရှိ စင်းခန်း၊ရွာသာယာနှင့် ဂဲမနိုင် ကျေးရွာများမှ အုပ်ချုပ်ရေးမှူးနှင့် ရပ်ကျေးဝန်ထမ်းများ နှုတ်ထွက်ရမည်ဟု ဆိုသည်။
အလားတူ မံစီမြို့နယ်အတွင်းရှိ နမ့်သဲ၊နမ့်အူကြီး၊ဖြုတ်ကိုက်၊ပန့်သိုင်း၊မုန်းတိမ်ပါ၊မခေါ်ယမ်၊ ကောင်ဂျာ၊သံတံတား၊မလင် နှင့် စီကော် ကျေးရွာအုပ်ချုပ်ရေးမှူးများနှင့် ရပ်ကျေးဝန်ထမ်းများသည် မတ်လ ၂၂ ရက် နောက်ဆုံးထားနှုတ်ထွက်ရန် PDF-ShweGu က သတိ ပေးသည်။
“ရှေ့လျှောက် တိုက်ပွဲတွေ ပိုစိပ်လာလိမ့်မယ်။ဒါကြောင့် မြေပြင်က စစ်ကောင်စီယန္တရားတွေကို အရင် ဖြိုပစ်ဖို့ ဦးစားပေးရှင်းလင်းနေတယ်။စာထုတ်သတိပေးတာ မလိုက်နာရင် နောက် ဆက်တွဲ ကိုယ့်တာဝန်ကိုယ်ယူကြရမယ်”ဟု ဗန်းမော်ခရိုင် PDF တာဝန်ရှိသူတစ်ဦးက လူထုနွေဦးသို့ ပြောသည်။
Public Service Announcement
ဖေဖော်ဝါရီအတွင်းကလည်း မဘိမ်းနှင့် မံစီမြို့နယ်ရှိ ကျေးရွာ ၃၃ခုမှ အုပ်ချုပ်ရေးမှူးများ နှုတ်ထွက်ရန် PDF-ShweGu က သတိပေး ထုတ်ပြန်ထားသည်။
