'/%3E%3C/svg%3E){kind=small}
မကွေးတိုင်း ရေစကြိုမြို့နယ်တွင် စစ်ကောင်စီတပ်ကို ဒေသတွင်း ပြည်သူ့ကာကွယ်ရေးတပ်(PDF) အဖွဲ့များပူးပေါင်းတိုက်ခိုက်ရာ စစ်ကောင်စီတပ်မှ သေဆုံးထိခိုက်မှုများနိုင်ကြောင်း ရေစကြို PDFက ထုတ်ပြန်သည်။
မတ်လ ၁၅ ရက် မွန်းလွဲ ၃နာရီခန့်တွင် အင်အား ၆၀ခန့်ရှိ စစ်ကောင်စီတပ်စစ်ကြောင်းကို ရေစကြိုမြို့နယ် ဝက်ခုတ်ရွာအနီး၌ PDF တပ်ဖွဲ့ဝင်များက တိုက်ခိုက်ခဲ့ရာ ၁နာရီကြာ တိုက်ပွဲဖြစ်ခဲ့သည်ဟု ဆိုသည်။
တိုက်ပွဲတွင် မြိုင်ပြည်သူ့ကာကွယ်ရေးတပ်မှ ရဲဘော်တစ်ဦး ကျဆုံးခဲ့ကြောင်း၊ စစ်ကောင်စီတပ်မှ အထိအခိုက်များနိုင်ပြီး အတိအကျ မသိကြောင်း ဟုထုတ်ပြန်ခဲ့သည်။
စစ်ကောင်စီတပ်ကို ရေစကြို PDF၊ မြိုင် PDF၊ ဆားလင်းကြီး PDFနှင့် KG အဖွဲ့စသည့်မဟာမိတ် အဖွဲ့များ ပူးပေါင်းပြီး စစ်ကောင်စီတပ်ကိုခုခံတိုက်ခိုက်ခဲ့ကြောင်း ဖော်ပြထားသည်။
Public Service Announcement
