မြိတ်နှင့်တနင်္သာရီကြားဆက်​ကြေး​တောင်းပြန်လာ​သောစစ်​ကောင်စီရဲတပ်ဖွဲ့တိုက်ခိုက်ခံရ

မြိတ်မြို့နှင့် တနင်္သာရီမြို့ကြားရှိ ပြည်ထောင်စုလမ်းမကြီးပေါ်တွင် ဆက်ကြေးတောင်းပြန်လာသည့် အကြမ်းဖက်စစ်​ကောင်စီလက်​အောက်ခံရဲတပ်ဖွဲ့ကို KNU/KNLAနှင့် ဒေသခံကာကွယ်ရေးတပ်များက ယနေ့(မတ် ၁၈ရက်) ညနေ ၄နာရီက တိုက်ခိုက်ခဲ့ကြောင်း ဒေသခံများကပြောသည်။

မြိတ်-တနင်္သာရီ နယ်ခြား အနီးတွင် ကြေးနန်းတိုင် ရဲစခန်းမှ ဆက်ကြေး ပုံမှန် လာရောက် ကောက်ခံနေသော ရဲအဖွဲ့များကို KNLAနှင့် ဒေသခံကာကွယ်ရေးအဖွဲ့များ တိုက်ခိုက်ခဲ့ခြင်းဖြစ်သည်ဟု Thanintharyi Public Security Forcesက ထုတ်ပြန်ထားသည်။

ထိုတိုက်ခိုက်မှုတွင် ဒုရဲအုပ်တစ်ဦးသေဆုံးခဲ့ပြီး ရဲသုံးဦး ထိခိုက်ဒဏ်ရာရရှိခဲ့သည်ဟုပါရှိသည်။ ထိုပြင် ရဲတပ်ဖွဲထံမှ သေနတ် နှစ်လက်လည်းရရှိခဲ့သည်ဟု​ဖော်ပြထားသည်။

အဆိုပါ တိုက်လိုက်မှုနှင့်ပတ်သပ်၍ ဒေသခံအချို့ထံဆက်သွယ်​မေးမြန်းရာ “ဖြစ်တာတော့ သိပါတယ်။ရဲသေတာတော့ မရှိပါဘူး”ဟု ဒေသခံတစ်ဦးကပြောသည်။ ထို​ကြောင့်ဒုရဲအုပ်သေဆုံးမူရှိ ၊မရှိနှင့်ပတ်သတ်ပြီး လူထုနွေဦးသတင်းဌာနက ဆက်လက်စုံစမ်းနေဆဲဖြစ်ပြီး သီးခြားအတည်ပြုနိုင်ခြင်းမရှိသေးပါ။

Public Service Announcement