ကော့ကရိတ်တွင် သုံးလောင်းပြိုင် လူသတ်မှုဖြစ်

ကရင်ပြည်နယ် ကော့ကရိတ်မြို့နယ်တွင် အမျိုးသားတစ်ဥိးက ဇနီးဖြစ်သူကို သေနတ်ဖြင့်ပစ်သတ်လိုက်ပြီး ရန်ပွဲဖြန်​ဖြေရန်လာ​သောအိမ်နီးချင်းလင်မယားနှစ်ဦးကိုပါ ပစ်သတ်သွားသည်ဟု ဒေသခံများကပြောသည်။

သုံးလောင်းပြိုင်လူသတ်မှုသည်ကော့ဂရိတ်မြို့နယ်၊ကော့ဘိန်းကျေးရွာတွင် ယမန်နေ့(မတ် ၁၇ရက်)က ဖြစ်ပွားခဲ့ခြင်းဖြစ်သည်။

“သေနတ်သမားက အဖော်တစ်ယောက်နဲ့အတူ ဆိုင်ကယ်နဲ့လာပြီး သေနတ်နဲ့ပစ်တာ။ အိမ်သားတစ်ယောက်က ထွက်ပြေးပြီး ပတ်ဝန်းကျင်ကို အကူအညီတောင်းတယ်။ အိမ်နီးချင်း လင်မယားနှစ်ယောက်က ရောက်လာတဲ့အချိန် သေနတ်နဲ့ထပ်ပစ်လို့ သေသွားတယ်။ စုစုပေါင်း သုံးယောက်သေတယ်။ သေနတ်သမားက ထွက်​ပြေးသွားတယ်”ဟု ဒေသခံတစ်ဦးကပြောသည်။

သေဆုံးသူများမှာ သေနတ်ပစ်ခတ်သူ၏ ဇနီး မိထော်မွန်(အသက် ၃၂နှစ်)၊ အိမ်နီးချင်းလင်မယား ဦး​ရွှေအိုး(အသက် ၃၂နှစ်) နှင့် ဒေါ်မြင့်(အသက် ၃၂နှစ်)တို့ ဖြစ်သည်။

Public Service Announcement

သေနတ်သမားသည် မူးယစ်ဆေးကြောင်နေသူဟု ဒေသခံများကပြောသော်လည်း People’s Springအ​နေဖြင့် အတည်မပြုနိူင်သေးပေ။ အကြမ်းဖက်စစ်ကောင်စီကအာဏာသိမ်းထားစဥ်ကာလတွင် တရားဥပဒေစိုးမိုးမှု လုံးဝမရှိတော့ဘဲ ရန်ကုန်မြို့ အပါအဝင်မြို့ကြီးများတွင် နေ့ခင်း
ကြောင်တောင် လုယက်မှုကျုးလွန်မှု မကြာခဏဖြစ်ပွားလာသည်။ ရှမ်းပြည်နယ် မူဆယ်မြို့တွင်လည်း မကြာ​သေးမီကလူလတ်ပိုင်းအရွယ်အမျိုးသမီးတစ်ဦးကို အမျိုးသားလေးဦးက အုပ်စုဖွဲ့သတ်ဖြတ်မှု ဖြစ်ခဲ့သည်။