သထုံမြို့နယ်ရှိ ဘုရားပွဲတစ်ခုသို့ စစ်ကောင်စီတပ်က ယမန်နေ့ညပိုင်း၌ လက်နက်ကြီးဖြင့် ပစ်ခတ်ခဲ့ရာ အသက်(၇)နှစ်အရွယ် ကလေးနှင့်အမျိုးသမီးနှစ်ဦး သေဆုံးခဲ့ပြီးခုနစ်ဦး ဒဏ်ရာရရှိခဲ့သည်ဟု သထုံပြည်သူ့ကာကွယ်ရေးတပ်ဖွဲ့(PDF)က သတင်းထုတ်ပြန်သည်။
မတ်လ ၁၉ရက် ည ၈နာရီခွဲတွင် သထုံမြို့နယ်၊ ဝင်းပကျေးရွာရှိ စစ်ကောင်စီ၏ ခမရ(၉) တပ်ခွဲမှ ကျောက်တောင်ကျေးရွာရှိဘုရားပွဲသို့ လက်နက်ကြီးဖြင့်ပစ်ခတ်ခဲ့ရာ ဘုရားပွဲခင်းအနီး ၂ချက်ကျရောက်ပြီး ပွဲချင်းထဲသို့ တစ်ချက် ကျရောက်ခဲ့ရာ ပြည်သူ ၁၀ဦးထိခိုက်ကာသုံးဦး ပွဲချင်းပြီး သေဆုံးခဲ့ရသည်ဟု ဖော်ပြထားသည်။
သေဆုံးသူများမှာ ကျောက်တောင်ကျေးရွာမှ အသက် (၅၀)အရွယ် အမျိုးသမီးတစ်ဦး၊ (၇)နှစ်အရွယ်ကလေးတစ်ဦးနှင့် ပိန္နဲတောရွာမှ အသက် (၅၄)နှစ်အရွယ် အမျိုးသမီးတစ်ဦးတို့ ဖြစ်သည်ဟု ဆိုသည်။
ထို့ပြင် ကားနှစ်စီးနှင့် ဆိုင်ကယ် တစ်စီးထိခိုက်ပျက်စီးကြောင်း ဖော်ပြထားသည်။
အကြမ်းဖက်စစ်ကောင်စီတပ်သည် ပြည်သူလူထုနေအထိုင်ရာကျေးရွာများ၊လုပ်ငန်းခွင်များ၊ စစ်ရှောင်စခန်းများသို့ လက်နက်ကြီး ရမ်းသမ်းပစ်ခတ်မှုများ လုပ်ဆောင်နေ၍ အရပ်သားပြည်သူလူထု ထိခိုက်သေဆုံးမှုများ မကြာခဏ ဖြစ်ပေါ်ခဲ့သည်။
