မြန်မာပြည်သူများကို အားပေးထောက်ခံသည့်အနေဖြင့် နေပြည်တော် သက်ြန်ပွဲကို လာရောက်ဖျော်ဖြေမည်မဟုတ်ကြောင်း စင်ကာပူ DJ အဖွဲ့ Rave Republic က ကြေညာသည်။
Rave Republic အဖွဲ့သည် မြန်မာပြည်အခြေအနေကို ကောင်းစွာမသိရှိ၍ နေပြည်တော် သက်ြန်ပွဲတွင် လာရောက်ဖျော်ဖြေရန် လက်ခံထားခဲ့သော်လည်း မြန်မာပြည်သူများ၏ ကန့်ကွက်မှုကြောင့် ချက်ချင်းဖျက်သိမ်းကြောင်း ကြေညာခဲ့ခြင်းဖြစ်သည်။
“ခင်ဗျားတို့ရဲ့ တုံ့ပြန်မှုတွေကို ဖတ်ရှုအပြီးမှာ ခင်ဗျားတို့ကို အားပေးထောက်ခံတဲ့အနေနဲ့ ရှိုးပွဲကို ဖျက်သိမ်းဖို့ ကျွန်တော်တို့ ချက်ချင်းဆုံးဖြတ်ခဲ့ပါတယ်”ဟု Rave Republic က အသိပေးသည်။
မြန်မာနိုင်ငံအခြေအနေ တိုးတက်ကောင်းမွန်လာရန်နှင့် မြန်မာပရိတ်သတ်များနှင့် မကြာမီဆုံတွေ့ရန် မျှော်လင့်ကြောင်း Rave Republic က ဆိုသည်။
Public Service Announcement
တရားမဝင်စစ်အာဏာသိမ်းမှုကြောင့် မြန်မာပြည်သူများသည် ယခင်နှစ် သက်ြန်ပွဲတော်ကိုမဆင်နွှဲဘဲ ငြိမ်းချမ်းစွာ ဆန္ဒပြခဲ့ပြီး အကြမ်းဖက်စစစ်ကောင်စီကာလတွင် သက်ြန်ပွဲတော်ကို ဆင်နွှဲလိုခြင်း မရှိကြပေ။
အကြမ်းဖက်စစ်ကောင်စီကမူ နိုင်ငံအား ပုံမှန်အခြေ အနေပြန်ရောက်နေကြောင်းကို ပုံဖော်ရန် လာမည့်သက်ြန်ပွဲကို ကျင်းပရန် ပြင်ဆင်ကြိုးပမ်းနေသည်။
