စစ်ရေးအရ အသုံးချနိုင်မယ့် နည်းပညာတွေနဲ့ လေယာဉ်ဆီတွေ ကို စစ်ကောင်စီထံ မရောက်အောင် အမြန်ဆုံးရပ်တန့်ဖို့ မြန်မာနိုင်ငံဆိုင်ရာ ကုလလူ့အခွင့်အရေးကိုယ်စားလှယ်က လူ့အခွင့်အရေးကောင်စီထံ တင်သွင်းလိုက်ပါတယ်။
ကုလလူ့အခွင့်အရေး ကိုယ်စားလှယ် တွန်အန်ဒရူးက မတ်လ ၂၁ ရက်မှာ မြန်မာနိုင်ငံဆိုင်ရာအစီရင်ခံစာကို တင်သွင်းလိုက်တာပါ။
အဲဒီအစီရင်ခံစာထဲမှာ စစ်ကောင်စီရဲ့လုပ်ရပ်ဟာ မြန်မာပြည်သူတွေအပေါ် လူသားမျိုးနွယ်တစ်ခုလုံးပေါ် ကျုးလွန်မှုရော ၊ စစ်ရာဇဝတ်မှု ရော မြောက်နေပြီလို့ ထပ်လောင်းပြောထားပါတယ်။
NUG ကို ပြည်သူ့ ကိုယ်စားပြုအစိုးရအဖြစ်အသိအမှတ်ပြုဖို့ လည်း ထပ်မံတိုက်တွန်းထားတာတွေ့ရပါတယ်။
Public Service Announcement
ဒါအပြင် စစ်ကောင်စီဟာ သူတို့ကျုးလွန်ထားတဲ့ ရာဇဝတ်မှုတွေကို တာဝန်ခံနိုင်ဖို့အတွက် နိုင်ငံတကာ ရာဇဝတ်တရားရုံးတွေမှာ တင်ပို့နိုင်ဖို့ ကြိုးစားမှုကိုလည်းအားပေးထောက်ခံသွားတယ်လို့သိရပါတယ်။
ကုလအထူးကိုယ်စားလှယ်ရဲ့အစီရင်ခံဟာ တနေ့တခြားဆိုးဝါးပြင်းထန်လာတဲ့ အကြမ်းဖက်စစ်ကောင်စီရဲ့ ရာဇဝတ်မှုတွေကို အသေးစိတ်ဖော်ပြထားတာကြည့်ရင် မြေပြင်အခြေအနေတွေ မြေပြင်ကအဖွဲ့အစည်းတွေနဲ့ ချိတ်ဆက်မှုကောင်းတာကို တွေ့နိုင်တယ်လို့ NUG ရဲ့ လူ့အခွင့်အရေးဝန်ကြီး ဦးအောင်မျိုးမင်းက ဆိုထားပါတယ်။
