မုံရွာ-အမြင့်လမ်းပိုင်းတွင် မိုးရွာသွန်း၍ မိုင်းများထကွဲနေသောကြောင့် ဖြတ်သန်းသွားလာခြင်းမပြုကြရန် ပြည်သူ့ကာကွယ်ရေးအဖွဲ့များ သတိပေး

စစ်ကိုင်းတိုင်း မုံရွာ-အမြင့်လမ်းပိုင်းတွင် မိုးရွာသွန်း၍ မိုင်းများထကွဲနေသော ကြောင့် ဖြတ်သန်းသွားလာခြင်းမပြုကြရန် ဒေသတွင်းပြည်သူ့ကာကွယ်ရေး အဖွဲ့များက သတိပေးကြေညာသည်။

ယနေ့(မတ်လ ၂၃ ရက်)မှစတင်ကာ မုံရွာ-အမြင့်လမ်းပိုင်းအား အရေးပေါ် အခြေအနေကြောင့် မိုးရွာ၍ မိုင်းများထကွဲခြင်းများဖြစ်နေပါသဖြင့် မည်သူတစ်ဦးတစ်ယောက်မျှ ဖြတ်သန်းသွား လာခြင်းမပြုလုပ်ကြရန် အရေးပေါ်ကိစ္စရှိမှသာလျှင် မုံရွာ-အမြင့်လမ်းအား အသုံးပြုကြပါရန် ညီနောင်မဟာမိတ်များ ဖြစ်သည့်Monuwa Lightning PDF၊ Monywa Peregrine PDF၊ Black Wolf Defence force၊ Chaung U Local Defence Force၊ ချောင်းဦးမြို့နယ် တော်လှန်ရေးတပ် Chaung U Revolution Army၊ Farmers Revolution Force CHU၊ Black Eagle People’s Defence Force၊ Monywa Brave Hearts MBH၊ Dragon Brother’s PDF နှင့်ဗန္ဓုလ-အဖွဲ့သားများ တို့မှ လမ်းအသုံးပြုခွင့်ယာယီပိတ်ထားကြောင်း အသိပေးကြေညာသည်။

လမ်းပြန်လည်အသုံးပြုခွင့်အား ထပ်မံကြေငြာသွားမည်ဖြစ်ကြောင်း ဒေသတွင်း ပြည်သူ့ကာကွယ်ရေးအဖွဲ့များက ပြောသည်။

ယမန်နေ့(မတ်လ ၂၀ ရက်)ည ၁၀နာရီခွဲဝန်းကျင်က မြင်းမူမှ ဆိုင်ကယ် တိမ်းမှောက်မှု ဖြစ်ထားသော လူနာအားမုံရွာတိုးဂိတ်ထိ သွားရောက်ခေါ် ဆောင်ကာ မုံရွာဆေးရုံကြီး သို့ပို့ဆောင်ရန် ကွက်ကဲရေးရုံးမှ လူနာတင်ယာဉ် တစ်စီး ထွက်သွားခဲ့ကြောင်း၊ လူနာသွားရောက်ခေါ်ဆောင်သောကားသည် ကားကွင်း(အသစ်) မရောက်ခင်တွင် မိုင်းဆွဲခြင်း ခံခဲ့ရပါသဖြင့် မော်တော်ယာဉ်မှာအသေးစား ပျက်စီးမှူများဖြစ်ပေါ်ခဲ့ကြောင်း မြန်မာနိုင်ငံလူမှူကယ်ဆယ်ရေးအဖွဲ့(မုံရွာ)က သတင်းထုတ်ပြန်ထားသည်။

Public Service Announcement