မန္တလေးမြို့အဝင်အထွက် ပြုလုပ်နိုင်တဲ့ အဓိက နေရာတွေကို စစ်ကောင်စီက စစ်ဆေးမှု ပိုမိုတင်းကြပ်လိုက်ပါတယ်။
မန္တလေးမြို့နဲ့ စစ်ကိုင်းမြို့တို့ အဝင်အထွက်ပြုလုပ်နိုင်တဲ့ နှာပေါက်စစ်ဆေးဂိတ် ၊ စစ်ကိုင်းမြို့အဝင် ရတနာပုံတံတား စစ်ဆေးဂိတ်တွေမှာ ယခင်ရက်တွေက ထက် ပိုမိုစစ်ဆေးနေတာဖြစ်တယ်လို့ ဒေသခံတွေ ကပြောပါတယ်။
“အရင်ကတော့ အဲဂိတ်တွေကပုံမှန် ကားအကြီးတွေ စစ်တယ်။ ပစ္စည်းတင်တဲ့ယာဉ်တွေအဓိကထားစစ်တာ၊အခုယာဉ်တွေအကုန်ကို ပိုက်စိပ်တိုက်စစ်နေကြတာ”လို့ ဒေသခံတစ်ဦးကပြောပါတယ်။
ဒီနေ့မနက်ပိုင်းကစတင်ပြီး မန္တလေး – ပြင်ဦးလွင်သွား လမ်းပေါ် မန္တလေးမြို့အထွက်က ကျေးရွာတွေမှာလည်း စစ်ကောင်စီတပ်ဖွဲ့ဝင် အင်အားအများအပြားနဲ့ ဝင်ရောက်မွှေနှောက်နေပါတယ်။
အိမ်ထောင်စုဇယားစစ်ဆေးတာ၊ ဧည့်စာရင်းတိုင်ကြားမှုရှိမရှိနဲ့ NLDပါတီနဲ့သက်ဆိုင်တဲ့ အသုံးအဆောင်ပစ္စည်းများရှိမရှိကို လိုက်လံစစ်ဆေးနေတာဖြစ်တယ်လို့ သိရပါတယ်။