'/%3E%3C/svg%3E){kind=small}
မကွေးတိုင်း မြိုင်မြို့နယ် သရက်ကန်ကျေးရွာတွင် တပ်စွဲထားသည့် စစ်ကောင်စီ တပ်နှင့် ပျူစောထီးပူးပေါင်းအဖွဲ့ကို တော်လှန်ရေးအင်အားစုများ ပူးပေါင်းတိုက်ခိုက်ရာ ၁၇ဦး သေဆုံးကြောင်း ကျားသစ်နက်ပြောက်ကျား တပ်ဖွဲ့က ယနေ့(မတ်လ ၂၄ ရက်) ထုတ်ပြန်သည်။
၁နာရီခွဲကျော်ကြာမြင့်ခဲ့သည့် တိုက်ပွဲတွင် အင်အား ၁၀၀ဝန်းကျင်ရှိ အကြမ်းဖက်စစ်အုပ်စုကို ပိတ်ဆို့တိုက်ခိုက်နိုင်ခဲ့ခြင်းကြောင့် စစ်ကောင်စီ နှင့်ပျူစောထီးတို့ သေဆုံးမှုများပြားခဲ့ခြင်းဟု ကျားသစ်နက်ပြောက်ကျား တပ်ဖွဲ့တာဝန်ရှိသူ တစ်ဦးက ဆိုသည်။
“တိုက်ပွဲဖြစ်တာ မတ်လ ၂၂ ရက် ည ၉နာရီလောက်က ။ကျွန်တော်တို့ ရဲဘော်တွေ ဘေးကင်း လုံခြုံတဲ့နေရာ တွေရောက်တဲ့အထိ စောင့်ပြီးမှ သတင်းထုတ်ပြန်တာပါ”ဟု ၎င်းက လူထုနွေဦး သို့ ပြောသည်။
တိုက်ပွဲအတွင်း သရက်ကန်ကျေးရွာရှိ အကြမ်းဖက်စစ်ကောင်စီတပ်၏ ယာယီစခန်း တစ်ခုလည်း ပျက်စီးခဲ့ရသည်ဟု ၎င်းက ဆက်လက် ပြောသည်။
Public Service Announcement
သေဆုံးသွားသော စစ်အုပ်စုတပ်သားများကို သရက်ကန်ကျေးရွာ သုဿာန်တွင်ပင် သဂြိုလ်ခဲ့ ကြောင်းလည်း ဒေသခံပြည်သူအချို့၏ ပြောကြားချက်ကို ကိုးကား၍ ကျားသစ်နက်ပြောက် ကျားတပ်ဖွဲ့က အသိပေး သည်။
