တနင်္သာရီတိုင်းတွင် ယခုမတ်လအတွင်း စစ်ကောင်စီတပ်နှင့် ဒေသခံကာကွယ်ရေးတပ်များကြား အနည်းဆုံးတိုက်ပွဲ ၁၁ကြိမ်ဖြစ်

▪️စစ်ကောင်စီတပ်သား ၄၃ဦးသေဆုံးဟုဆို

ထိုအချက်အလက်များသည် ဒေသခံကာကွယ်ရေးတပ်များနှင့် အဆိုပါသတင်းဌာနကရရှိသည့် အချက် အလက်များကို အခြေခံထားခြင်းဖြစ်ပြီး မြေပြင်တွင် ထိုပမာဏထက်ပိုနိုင်သည်ဟုလည်း ​ရေးသားထားသည်။

ထို​ဖော်ပြချက်အရ တနင်္သာရီတိုင်းမြို့နယ် ၅ ခုတွင် တိုက်ပွဲများဖြစ်ပွားခဲ့ပြီး မြိတ်မြို့နယ် ​လေးကြိမ်၊ တနင်္သာရီမြို့နယ်တွင် သုံးကြိမ်၊ ပုလောမြို့နယ်တွင် နှစ်ကြိမ်၊ ရေဖြူနှင့် ထားဝယ်မြို့နယ်တို့တွင် တစ်ကြိမ်ဖြစ်ပွားခဲ့သည်ဟု ဆိုသည်။

ထိုတိုက်ပွဲများတွင် မိုင်းဆွဲတိုက်ခိုက်မှု ငါးကြိမ်နှင့် ပစ်ခတ်တိုက်ခိုက် ​ခြောက်ကြိမ်ဖြစ်ခဲ့ခြင်းဖြစ်သည်ဟု ​​ရေးသားထားသည်။

Public Service Announcement

“ဖြစ်နိုင်ချေရှိတဲ့ ပမာဏဆိုပေမယ့်။ တချို့တိုက်ပွဲတွေမှာတော့ ပမာဏနည်းနည်းများတယ်။ မိုင်းဆွဲလို့ ဘယ်နှယောက်သေတယ်ထုတ်ပြန်တယ်။ မိုင်းဆွဲပြီးရင် မိုင်းဆွဲသမားက ဆွဲပြီးပေးရတာ။ သေမသေတော့ ပြောရခက်ပါတယ်။ ဒီနေရာစာရင်းကွာတာ နည်းနည်းရှိနိုင်တယ်”ဟု ဒေသခံကာကွယ်ရေးတပ်နှင့်နီးစပ်သူ တစ်ဦးကပြောသည်။

ထိုတိုက်ခိုက်မှုများကို ဒေသခံကာကွယ်ရေးတပ်များအပြင် KNUတပ်မဟာ(၄)၏ လက်အောက်ခံတပ်ရင်းများနှင့် KNDO လက်အောက်ခံတပ်ရင်းများကလည်း ပူးပေါင်းတိုက်ခိုက်ခဲ့သည်။