မန္တလေးတိုင်း မြင်းခြံမြို့ရှိ လျှပ်စစ်မန်နေဂျာရုံးတွင် တပ်စွဲထားသော အကြမ်းဖက် စစ်ကောင်စီတပ်အား ပြည်သူ့ကာကွယ်ရေးအဖွဲ့များ ပူးပေါင်း ပစ်ခတ်တိုက်ခိုက်ခဲ့ရာ ထိခိုက်မှုများရှိကြောင်း Myingyan 27 Revolution Forceက အသိပေးထုတ်ပြန်သည်။
မတ်လ ၂၄ ရက် ည၇နာရီခန့်က မြင်းခြံမြို့ အမှတ် (၅)ရပ်ကွက်ရှိ မြို့နယ် လျှပ်စစ်ရုံးသို့ မဟာမိတ်အဖွဲ့ များသော Myingyan 27 Revolution Force၊ Seven People Defense Force နှင့်TTA ပြောက်ကျားတို့ သုံးဖွဲ့ ပူးပေါင်း ပစ်ခတ်ခဲ့ရာ အကြမ်းဖက်စစ်သား တစ်ဦးသေဆုံးနိုင်ပြီး နောက်တစ်ဦးမှာ ဒဏ်ရာအပြင်းအထန်ရရှိသွားကြောင်း Myingyan 27 Revolution Forceက ထုတ်ပြန်သည်။
“လျှပ်စစ်ရုံးထဲရောက်နေတဲ့ စစ်ကောင်စီနဲ့ပေါင်းနေတဲ့ လူတစ်ယောက်လည်း ပေါင်ထိသွား တယ်ကြားတယ်။”ဟု မြင်းခြံနယ်ခံတစ်ဦးက ပြောသည်။
မြင်းခြံမြို့တွင် လျှပ်စစ်မီတာခမဆောင်သည့်နေအိမ်များအား မီးဖြတ်ခြင်း၊ မီတာအလုံးလိုက် သိမ်းဆည်းခြင်းများ ပြုလုပ်နေပြီး လျှပ်စစ်မီးမှာလည်း မလာသလောက်နီးပါးဖြစ်နေကြောင်း ဒေသခံများက ပြောကြားသည်။
Public Service Announcement
မြင်းခြံမြို့သည် မန္တလေးတိုင်းအတွင်း တစ်မြို့တည်းသော မိုဘိုင်းအင်တာနက် ဖြတ်တောက်ခံ ထားရသည့်မြို့တစ်မြို့ဖြစ်ပြီး အကြမ်းဖက်စစ်ကောင်စီ၏ ဖိနှိပ်မှုပြင်းထန်စွာခံနေရသည်။
