ကန်ပက်လက်မြို့တွင်းတိုက်ပွဲ စစ်​ကောင်စီလက်ပါး​စေ ရဲတစ်ဦး​သေ ၊တစ်ဦးဒဏ်ရာရ

ချင်းပြည်နယ် ကန်ပက်လက်မြို့တွင်း၌ တိုက်ပွဲဖြစ်ပွားရာ ရဲတစ်ဦးသေဆုံးပြီး တစ်ဦးအပြင်းအထန်ဒဏ်ရာရရှိကြောင်း CDF ကန်ပက်လက်က ယနေ့(မတ်လ ၂၇ရက်) ထုတ်ပြန်သည်။

တိုက်ပွဲဖြစ်စဥ်မှာ ယမန်နေ့ နံနက် ၁၀ နာရီခွဲခန့်တွင် ကန်ပက်လက်မြို့တွင်းဝင်ရောက်နေရာယူထားသော CDF ရဲဘော်များနှင့် အကြမ်းဖက်စစ်ကောင်စီတပ် အကြားထိတွေ့တိုက်ပွဲဖြစ်ပွားခဲ့သည်ဟု ဆိုသည်။

တိုက်ပွဲအတွင်း မြို့မရဲစခန်းနှင့် ((အ.ထ.က)ကျောင်းတွင် တပ်စွဲထားသော စစ်ကောင်စီတပ်များမှ လက်နက်ကြီး၊လက်နက်ငယ်ပစ်ကူများပေးခဲ့ပြီး မြို့တွင်းနေအိမ်အချို့နှင့် မြို့နီးနားရှိကျေးရွာများတွင်လက်နက်ကြီးကျရောက်မှူကြောင့် ပြည်သူနေအိမ်အချို့ထိခိုက်ပျက်စီးခဲ့သည်ဟု ဆိုသည်။

တိုက်ပွဲတွင် ရဲဘော်များအထိခိုက်မရှိ ဆုတ်ခွာနိုင်ခဲ့ကြောင်း CDFက အသိပေးသည်။

Public Service Announcement

ယခုရက်ပိုင်းအတွင်း ချင်းပြည်နယ်ရှိ မင်းတပ် -မတူပီ နှင့် ဟားခါး ဒေသများတွင်လည်း စစ်ကောင်စီက အင် အားဖြည့်တင်းခြင်း အပါအဝင် အင်အားအလုံး အရင်းဖြင့် စစ်ကြောင်းထိုးနေ၍ တိုက်ပွဲများ ပြင်းထန်နေသည်။