စစ်​ကောင်စီတပ်စွဲရာ​နေရာနှင့် မိုင်တယ်လ်တာဝါတိုင်များကို နွားထိုးကြီး PDFကတိုက်ခိုက်ပြီးတော်လှန်​​ရေး​နေ့ကိုကြိုဆို

မန္တလေးတိုင်း၊ နွားထိုးကြီးမြို့နယ်တွင် ​တော်လှန်​ရေး​နေ့ကိုကြိုဆို​သောအ​နေဖြင့်ကျေးရွာမီးသတ်စခန်းတပ်စွဲထားသော အကြမ်းဖက်စစ်ကောင်စီတပ်အား လက်နက်ကြီးဖြင့် ပစ်ခတ်တိုက်ခိုက်ခဲ့ပြီး စစ်ကောင်စီပိုင် မိုင်တဲတာဝါတိုင် ၃တိုင်ကိုပါ ဖြိုလှဲခဲ့ကြောင်း နွားထိုးကြီး PDFက ပြောသည်။

ယမန်နေ့ မတ်လ ၂၆ ရက် ညပိုင်းက ​နွားထိုးကြီးမြို့နယ်၊ဝက်လူးကျေးရွာရှိ မီးသတ်စခန်းတွင် တပ်စွဲထားသော အကြမ်းဖက်စစ်ကောင်စီတပ်ကို လက်နက်ကြီးဖြင့် ပစ်ခတ်တိုက်ခိုက်ခဲ့ပြီး ထိခိုက်မှုများရှိနိုင်ကြောင်း Natogyi PDFမှ တာဝန်ရှိသူက ပြောသည်။

ထို့အပြင် မြင်းခြံမြို့နယ်၊ကန်နီကျေးရွာမှ Mytelတာဝါတိုင်နှင့် နွားထိုးကြီးမြို့နယ်၊မလည်ရွာအနီးမှ Mytelတာဝါတိုင်ကိုလည်း ဖောက်ခွဲဖျက်ဆီးခဲ့ကြောင်း၊ ယနေ့( မတ်လ ၂၇ ရက်နေ့) နံနက်ပိုင်းတွင်လည်း နောက်ထပ်တစ်တိုင် ထပ်မံဖောက်ခွဲနေကြောင်း နွားထိုးကြီးPDF အဖွဲ့ တာဝန်ရှိသူက ပြောသည်။

“တပ်မတော်နေ့ ကြိုဆိုနေတာ။ မနေ့ညကသူတို့ဘက်က ပြန်ပစ်တယ်။ ကျွန်​တော်တို့က ၄၀ မမနဲ့ ပစ်တာ။ မနေ့ည ၇ နာရီ ဝန်းကျင်ကပါ။”ဟု နွားထိုးကြီး PDF အဖွဲ့ တာဝန်ရှိသူက လူထု​နွေဦးသို့ ပြောသည်။

Public Service Announcement

ဖက်ဆစ်ဂျပန်တို့ကို နိုင်ငံတစ်ဝန်းစတင်တော်လှန်တိုက်ခိုက်ခဲ့​သော​​​မတ် ၂၇ ရက်ကို ​တော်လှန်​ရေး​နေ့ဟုသတ်မှတ်အမည်​ပေးခဲ့ရာမှ အာဏာသိမ်းစစ်အုပ်စုက ၁၉၇၀ ခုနှစ်တွင် တပ်မ​တော်​နေ့ဟု အမည်​ပြောင်းလဲဝါဒဖြန့်ခဲ့ခြင်းဖြစ်သည်။

မတ်လ ၂၄ ရက်နေ့ကလည်း နွားထိုးကြီးမြို့နယ်၊ ဝက်လူးရွာနှင့် ဆူးဖြူကုန်းကျေးရွာကြားတွင် စစ်သား ၁၅ ဦးခန့် စီးနင်းလာသော စစ်ကောင်စီယာဉ် ၁ စီးကို နွားထိုးကြီး PDF က မိုင်းဆွဲတိုက်ခိုက်ခဲ့ပြီး စစ်သား ၅ ဦးထက်မနည်း ထိခိုက်သေဆုံးနိုင်ကြောင်း နွားထိုးကြီး PDF အဖွဲ့က အသိပေးခဲ့သည်။