Connect with us

Hi, what are you looking for?

LuduNwayOo

News

မြောင်မြို့နယ် ရဲစခန်းနှင့် Mytel တာဝါတိုင်အား ညီနောင်တော်လှန်ရေး အင်အားစုသုံးဖွဲ့ တိုက်ခိုက်

စစ်ကိုင်းတိုင်း၊ မြောင်မြို့နယ် ရဲစခန်းနှင့် မြို့ပေါ်ရှိ Mytel တာဝါတိုင်အား ရှေ့ထွက်မိုင်း၊ လက်ပစ်ဗုံးများဖြင့် တိုက်ခိုက်ခဲ့ကြောင်း မြောင်မြို့နယ် တော်လှန်ရေးတပ်(MRA)က အသိပေးထုတ်ပြန်သည်။

မြောင်မြို့နယ်ရဲစခန်းအား ယနေ့(မတ်လ ၂၈ ရက်)ညနေ ၆နာရီ ၄၅မိနစ်အချိန်က မြောင်မြို့နယ်တော်လှန်ရေးတပ်(MRA)၊ စစ်ကိုင်းခရိုင် တပ်ရင်း(၁)တပ်ခွဲ-၁ နှင့် Zarmani Revolution Force ပြောက်ကျားတပ်ဖွဲ့ စသည့် ညီနောင်တော်လှန်ရေးအင်အားစုသုံးဖွဲ့ ပူးပေါင်း၍ ရှေ့ထွက်မိုင်းဖြင့် တိုက်ခိုက်ခဲ့ကြောင်း၊ တချိန်တည်းမှာပင် မြောင်မြို့ တောင်ရပ်ကွက်ရှိ Mytel တာဝါတိုင်ကို လက်ပစ်ဗုံးဖြင့် ပစ်ခတ်ဖောက်ခွဲခဲ့ကြောင်း MRA က ဆိုသည်။

အဆိုပါ တိုက်ခိုက်မှုများတွင် စစ်ကောင်စီ၏ သေဆုံးထိခိုက်မှုအခြေအနေကို မသိရသေးဘဲ တော်လှန်ရေးအင်အားစုများ အထိအခိုက်မရှိဘဲ ဆုတ်ခွာနိုင်ခဲ့ သည်ဟု ဖော်ပြထားသည်။

ထိုဖြစ်စဥ်နှင့်ပတ်သက်၍ မြောင်မြို့နယ်တော်လှန်ရေးတပ်(MRA)သို့ ဆက်သွယ်မေးမြန်း ထားသော်လည်း ပြန်လည်ဖြေကြားခြင်း မရှိသေးပါ။

မြောင်မြို့တွင် ယမန်နေ့(မတ်လ ၂၇ ရက်)ညနေ ၄နာရီခန့်က အကြမ်းဖက် စစ်ကောင်စီ တပ်များသည် မြို့တောင်ဘက်အထွက်သို့ ကားတစ်စီးဖြင့် ထွက်ခွာလာစဥ် ညီနောင် တော်လှန်ရေးအင်အားစု သုံးဖွဲ့ပူးပေါင်း၍ မိုင်းဆွဲတိုက်ခိုက်ခဲ့ကြောင်း၊ အဆိုပါတိုက်ခိုက်မှုတွင် စစ်ကောင်စီတပ်သား နှစ်ဦးသေဆုံးပြီး အများအပြားအပြင်းအထန်ဒဏ်ရာများ ရရှိသွား ကြောင်း MRAက ထုတ်ပြန်ထားသည်။

Public Service Announcement

Public Service Announcement

မြောင်မြို့နယ်တော်လှန်ရေးတပ်(MRA)သည် ပြောက်ကျားစစ်ဆင်ရေးများကို အရှိန်အဟုန်ဖြင့် လုပ်ဆောင်နေပြီဖြစ်ကြောင်း၊ ပြည်သူများအထိအခိုက် မရှိစေရန် အထူးဂရုပြုဆောင်ရွက် လျက်ရှိပြီး ပြည်သူများအနေဖြင့်လည်း အကြမ်းဖက်စစ်ကောင်စီတပ်၏ လှုပ်ရှားမှုများကို သတိကြီးစွာထား၍ ဂရုတစိုက်ရှောင်ရှားသွားလာကြရန်လည်း အသိပေးထားသည်။

ဆက်စပ်သတင်းများ

သတင်း

စဉ့်ကူးမြို့တိုက်ပွဲတွင် ဧရာဝတီမြစ်အတွင်း ဆီပုံးများဖြင့် ထွက်ပြေးသွားသော ဗိုလ်အဆင့်အရာရှိနှစ်ဦးအပါအဝင် စစ်ကောင်စီတပ်ဖွဲ့ဝင် ခုနစ်ဦးကို ယမန်နေ့(ဇူလိုင် ၁၈ရက်)ညနေက ဖမ်းမိထားသည်။

သတင်း

မန္တလေးတိုင်း၊ မြင်းခြံ​မြို့အထွက် မြင်းခြံ - တောင်သာလမ်းပိုင်းရှိ တိုးဂိတ်၌ တပ်စွဲထားသော စစ်ကောင်စီတပ်သားများ တိုက်ခိုက်ခံရမှုအတွင်းစစ်အုပ်စုဝင်များ ထိခိုက်သေဆုံးမှာရှိကြောင်း ဒေသကာကွယ်ရေးအဖွဲ့များက ဇူလိုင် ၁၇ရက်တွင် သတင်းထုတ်ပြန်သည်။

သတင်း

ကရင်အမျိုးသားကာကွယ်ရေးတပ်ဖွဲ့သည် တော်လှန်ရေး၏ ကျောရိုးဖြစ်စေပြီး KNU၏ နိုင်ငံရေးလှုပ်ရှားဆောင်ရွက်မှု ပိုမိုအားကောင်းခိုင်မာလာစေရန် ရည်ရွယ်ဖွဲ့စည်းခဲ့ခြင်းဖြစ်သည်။

သတင်း

စစ်ကိုင်းတိုင်း၊ ရွှေဘိုမြို့နယ်၊ ညောင်ကိုင်းပျူစောထီးရွာအနီးတွင် ကင်းစောင့်ရန်ထွက်လာသော စစ်အုပ်စုဝင်များအား ပစ်ခတ်တိုက်ခိုက်ရာ လေးဦးသေဆုံးပြီး သေနတ်၂လက်နှင့် ခဲယမ်းများသိမ်းဆည်းနိုင်ခဲ့ကြောင်း ဗိုလ်ကျားရိုင်း ပြည်သူ့ကာကွယ်ရေးတပ်ဖွဲ့ - ရွှေဘို၏ ပြန်ကြားရေးတာဝန်ခံက ပြောသည်။