▪️စစ်ကောင်စီတပ် အင်အားဖြည့်ခြင်း၊ လက်နက်ကြီးများဖြင့် ရမ်းသမ်းပစ်ခတ်နေ
ကချင်ပြည်နယ် မံစီမြို့နယ်တွင် ကချင်လွတ်လပ်ရေးတပ်မတော်(KIA)နှင့် စစ်ကောင်စီတပ်တို့ ယမန်နေ့က တိုက်ပွဲဖြစ်ပွားခဲ့ကြောင်း KIA သတင်းနှင့် ပြန်ကြားရေးဌာနက ဖော်ပြသည်။
KIA တပ်မဟာ(၃) ၊ တပ်ရင်း(၂၇) နယ်မြေ ဇွပ်ဂျာရွာတွင် မတ်လ ၂၈ရက်က ခမရ(၁၂၁)၊ ခမရ(၁၅)၊ တပ်မ(၈၈) ပူးပေါင်းတပ်နှင့် KIAတို့အကြား တိုက်ပွဲဖြစ်ပွားခဲ့သည်ဟု ဆိုသည်။
KIA တပ်မဟာ(၃)၊ တပ်ရင်း(၁)နယ်မြေနှင့် တပ်ရင်း (၁၅)နယ်မြေသို့လည်း စစ်ကောင်စီတပ်များက လက်နက်ကြီးများဖြင့် ရမ်းသမ်းပစ်ခတ်ခဲ့ကြောင်း ဖော်ပြထားသည်။
စစ်ကောင်စီတပ်များက KIA နယ်မြေအတွင်းသို့ လက်နက်ကြီးများဖြင့် ပစ်ခတ်တိုက်ခိုက်ခြင်း၊ စစ်အင်အားဖြည့်တင်းလာခြင်း တို့ကြောင့် တိုက်ပွဲဖြစ်ပွားမှုများ ရံဖန်ရံခါရှိနေသည်ဟု ဆိုသည်။
စစ်ကောင်စီတပ်များသည် ယနေ့ (မတ်လ ၂၉ရက်)နံနက်ပိုင်းက အင်အား ၁၀၀ခန့်ပါသည့် စစ်ယာဉ်၁၉စီးဖြင့် KIA တပ်မဟာ(၅)နယ်မြေသို့ အင်အားဖြည့်တင်းလာကြောင်း၊ ထို့ကြောင့် တိုက်ပွဲများ ပြင်းထန်လာမည်ကို ဒေသခံများ စိုးရိမ်နေကြောင်း ဖော်ပြထားသည်။