ကရင်နီစစ်ရှောင်များအတွက် လတ်တလော အဓိကလိုအပ်ချက်များ စစ်ရှောင်ကူညီရေးကွန်ရက်ထုတ်ပြန်

အကြမ်းဖက်စစ်ကောင်စီတပ်၏ အကြမ်းဖက်မှုများကြောင့် ကရင်နီဒေသခံ သိန်းနှင့်ချီ၍ ထွက်ပြေးတိမ်းရှောင်နေရပြီး အခက်အခဲများစွာကြုံတွေ့နေရ၍ အကူအညီများလိုအပ်နေကြောင်း ကူညီရေးအဖွဲ့အချို့က အသိပေးထားသည်။

ကရင်နီပြည် စစ်ဘေးရှောင်ပြည်သူများ အဓိကလိုအပ်နေသည့်လိုအပ်ချက် များကို ကရင်နီပြည် စစ်ဘေးရှောင်ကူညီရေးကွန်ရက်က ယမန်နေ့တွင် ထုတ်ပြန်ခဲ့ရာ အခြေခံစားနပ်ရိက္ခာနှင့် စခန်းအချို့တွင် သောက်သုံးရေ အခက်အခဲရှိကြောင်း ဖော်ပြသည်။

ရာသီဥတုအပြောင်းအလဲကြောင့် ဖြစ်ပွါးနေကြသည့် ရောဂါများ ကမ္ဘာအနှံ့ ပြန့်ပွားနေသော ကူးဆက်ရောဂါများအတွက် ဆေးဝါးများအထူးလိုအပ်နေ ကြောင်း၊ စစ်ရှောင်စခန်းအတွက် များစွာအသုံးဝင်သည့် မိုးကာများ လိုအပ်ကြောင်း အသိပေးထားသည်။

နေရာထပ်မံရွေ့ပြောင်းနေရသော စစ်ရှောင်များအတွက်အထက်ပါ လိုအပ်ချက်များ သယ်ယူပို့ ဆောင်နိုင်ရန်စက်သုံးဆီများလိုအပ်ကြောင်း၊လိုအပ်ချက်များကိုကူညီလိုပါကဆက်သွယ် မေးမြန်းနိုင်ကြောင်း ကရင်နီပြည်စစ်ဘေးရှောင်ကူညီစောင့်ရှောက်ရေးကွန်ရက်က ထုတ်ပြန်သည်။

Public Service Announcement

ကရင်နီ(ကယား)ပြည်နယ်တွင် ၂၀၂၁မေလမှ ယခုနှစ်မတ်လ ဒုတိယအပတ် အထိ တိုက်ပွဲများဆက်တိုက်ပြင်းထန်ခဲ့သည်။